Framleis store sjansar for å bli valt
Om du melder deg no har du mogelegheit til å bli valt inn i Studenttinget i Volda. - Vi treng framleis kandidatar frå alle avdelingar, seier web- og informasjonsansvarleg Lars Vegard Bachmann. Han vonar folk grip sjansen og melder seg i siste liten.
- Eg kan verkeleg ikkje forstå kvifor så få vil vere med i studenttinget. Det er trass alt ikkje meir enn nokre få timar i løpet av året du melder deg for, fortel Bachmann, - men då reikner eg ikkje med dei sosiale tilstelningane som til dømes julebordet og oppstartsseminaret i Ålesund.
Bachmann fortel at å vere med i studenttinget sannsynlegvis er den beste måten å påverke korleis kvardagen til studentane ved høgskulen er. Det beste dømet på dette er fadderveka som studenttinget står bak.
Om du trur du må ha brei politisk erfaring for å vere med i studenttinget, tek du feil. - Vi har enno ikkje takka nei til nokon fordi dei har vore for dårleg kvalifisert, fortel Bachmann.
Meld deg no!
