Kurs, konferanser og seminar o.l.

Både Beatles-fans og alle som likar god animasjonsfilm har grunn til å setje kryss ved laurdag 17. september. Høgskulen i Volda ved Avdeling for mediefag, Volda filmteater og studenthuset Rokken vil nemleg arrangere ein mini animasjonsfilmfestival der vising av den grensesprengande Yellow Submarine er eitt av høgdepunkta. - Til festivalen kjem også Bob Balser og John Coates som er to av dei mest sentrale personane bak filmen, seier førsteamanuensis Gunnar Strøm.

Laurdag 10. september vert det arrangert salmeseminar ved Høgskulen i Volda. I samarbeid med Y’s Men Ørsta/Volda, Ørsta kyrkjelyd og Institutt for religion, livssyn og kyrkjefag. I tillegg vert det jazzmesse etter Olaf Hillestad i Ørsta kyrkje fredag og samlemesse i Volda kyrkje søndagen.

Temaet for konferansen i år er likestilling og likeverd i barnehagen. Dette er eit sentralt satsingsområde innan barnehagesektoren både på nasjonalt- og fylkesnivå. - Eg har god tru på at temaet vil slå godt an i målgruppa for konferansen, seier medarrangør Britt Loven Ølnes, studieleiar ved førskulelærarutdanninga ved Høgskulen i Volda.

Etter fjorten dagar med hektisk aktivitet er Prøvekluten 2005 no avslutta. Verkstaddeltakarar, kunstnarar og kulturtilsette har reist kvar til sitt. -Dette har vore både utfordrande utviklande og spanande, seier Signe Valsø ved Kontoret for etter- og vidareutdanning.

Kunstnarar og verkstaddeltakarar er i full gang med Prøvekluten 2005. Og i desse dagar er det Volda som er kulturhovudstad!

Det vert halde 2 opne prøveførelesingar i samband med avsluttande eksamen ved mastergraden i nynorsk skriftkultur onsdag 8. juni ved Høgskulen i Volda, Berte Kanutte-huset rom 158.

-Vi er svært glade for samarbeidet med Helse Midt-Noreg ved Kompetanssenteret for pasientinformasjon og pasientopplæring (KPI) og gler oss til å avvikle denne OPP!-konferansen saman med dei seier Signe Valsø, leiar for Kontoret for etter- og vidareutdanning (KEV) ved Høgskulen i Volda.

2. framandspråk inngår som eit av dei mest prioriterte satsingsområde i den nye skulereforma Kunnskapsløftet. På ungdomstrinnet skal det innførast 2. framandspråk som eit obligatorisk, praktisk fag frå hausten 2006.

Onsdag 20. april held Peri Bhaskararao frå Tokyo University for Foreign Studies gjesteførelesing ved Høgskulen i Volda om minoritetsspråk og spesielt arbeidet med det sørindiske Toda språket. Tittelen på førelesinga er Phonetic complexity and orthography issues of Toda language.

Prøvekluten blir skipa for andre gong i perioden 20.- 30 juni 2005.
- I fjor var dette ein suksess! No har vi sett saman eit spanande program for Prøvekluten 2005 seier Marit Ulvund frå prosjektgruppa.