Nyhende

Lærarar er den yrkesgruppa som har minst oppgang i arbeidsløysa. Ifølgje tala frå NAV frå februar er læraryrket i ei særstilling når det gjeld talet på arbeidslause.

Journalistikkstudent Iselin Nevstad Øvrelid har fått nynorsk journaliststipend på kr 10 000 frå Mållaget i Kristiansand. – Føremålet med stipendet er at det skal motivere og inspirere journaliststudentar til å bruke nynorsk i studiet og seinare i arbeidslivet, seier ei glad Iselin.

På fredag fekk drama- og musikkstudentar på høgskulen besøk av den kjende skodespelaren Svein Tindberg. Han er i desse dagar aktuell med den musikalske forteljinga ”Andvake”, basert på ein roman av Jon Fosse. Det var ein jordnær og imøtekomande Tindberg som fredag delte erfaringar og tips med studentane.

Hanne Fuglør (19, frå Florø) og Linda Terese Rosenberg (19, frå Oslo) er studentar på Kristendomskunnskap og ungdomsarbeid ved høgskulen, samstundes som dei er elevar ved Rønningen folkehøgskule. – Vi reiser rundt i inn- og utland i tilknyting til prosjektet Ten Sing Norway. Gjennom studiet får vi litt av alt – studiepoeng, reise, ungdomsarbeid og folkehøgskule, seier Hanne.

Veka 2009 blir 23. oktober til 1. november. – Veka i år skal vere inkluderande. Vi vil at alle skal føle seg velkomne under Veka. Det blir så moro at ein kan gle seg allereie no, lovar vekaleiar Sara Hatab.

Bachelorgradsstudentene i drama/teater ved Høgskulen i Volda setter opp forestillinga på Arbeideren fredag 7. mars kl. 19.00. – Dette er første gangen dramastudenter deltar på Teaterfestivalen i Ålesund og vi gler oss stort, seier Sigrun Meisingset ved Avdeling for kulturfag.

Seksjon for idrett og friluftsliv kan tilby grunnutdanning og fordjupingsstudium i både idrett og friluftsliv. Med gode fasilitetar og Sunnmørsalpane som klasserom ligg forholda godt til rette for studentane. – Det er stor pågang, og vi må følgje med i marknaden. Seksjonen ønskjer fleire bein å stå på, og satsar derfor på to felt innanfor fagområdet, seier seksjonsleiar og bachelorkoordinator Elisabeth Innselset.

Ei gruppe nyutdanna lærarar deltok torsdag 19. februar på samling i prosjektet ”Nytt på nytt”, rettleiing av nyutdanna i regi av høgskulen.
– Det ser ut til at det er forventa at vi kan alt når vi kjem ut som nyutdanna. Vi får ein nøkkel i handa, og der står vi utan heilt å vite korleis vi skal takle utfordringane vi møter. Vi blir oppfordra til å stille spørsmål om det er noko vi lurer på, men alle har det så travelt så det er vanskeleg å få det til, uttaler dei nyutdanna.

Austral-asiatiske kulturstudium er kanskje Noregs sprekaste studietilbod, og er berre for deg som studerer ved Høgskulen i Volda. Studiet passar inn i dei fleste bachelorgradene ved høgskulen, og er eit samarbeid mellom HVO og Griffith University i Brisbane.

Institutt for religion, livssyn og kyrkjefag har ulike studietilbod der ein kan velje mellom nettbasert eller samlingsbasert undervisning.
- Det er fleire som ønskjer å studere KRL frå andre stadar i landet, og sidan emnet kan innpassast i både bachelorgrader og lærarutdanning er det eit fleksibelt tilbod, seier instituttleiar Ralph Meier.