Søkjarar etterspør lærarutdanninga i Volda

- Til no har vi sendt ut 59 tilbod om studieplass på allmennlærarutdanninga, seier studiesjef Gonnie Smit Løseth ved Høgskulen i Volda. Vi har 60 studieplassar - og kan få fråfall, så det kan framleis opne seg studieplass for dei som er raskt ute.

- Sjølv om søkjartala ved allmennlærarutdanninga går ned på landsbasis, trur eg likevel vi får fylt dei plassane vi har i Volda, seier Smit Løseth.
- Mange søkjarar er nok merksame på lærarmangelen i heile Noreg, og at det er lett å få seg arbeid etter utdanning.
- Dessutan har lærarstudentane i Volda moglegheiter til å velje eit svært variert studieløp med stor valfridom. Vi har også 5-åringe løp som ender opp i mastergrader, kommenterer studiesjefen på spørsmål om kvifor Volda held oppe populariteten.

Les meir om lærarutdanninga:

Sosialt - spennande - utfordrande

Det å vere student er noko heilt anna enn å vere elev, og mange lurer på kva som eigentleg er forskjellen. – Som student styrer ein kvardagen heilt sjølv, og på den måten blir det stilt større krav. Det er betre å studere enn vi trudde, mykje fordi det er sosialt og vi har fått mange nye venner, seier Anne og Ida, som begge er studentar ved Høgskulen.
Les meir - ..

Framtida sine lærarar!

- Vi har håp og tru på at vi får ein av dei beste skulane i framtida. Det er der vi er og det gir motivasjon, seier Elena, Laila og Andreas som er allmennlærarstudentar ved Høgskulen. Lærar er ei av yrkesgruppene som kan sjå lysast på framtida, om ein ser på arbeidsmarknaden i åra framover.
Les meir - ..