Spenningskurset i full sving på Bjorli
- Spenningskurset, tidlegare Kva.no, er vert arrangert for trettande gang denne veka på Bjorli, melder høgskulelærar Svein Arnesen ved Avdeling for lærarutdanning i Volda. Det er rekordstor påmelding dette året, med nesten 400 personar involvert i prosjektet, også kjent som Vinteraktivitetsveka.
- Mange hadde møtt fram til opninga med sang, dans og rakettoppskyting. Sjå bilete frå opninga.
- Spenningskurset har over 140 deltakarar med ulike hjelpebehov, 115 instruktørar (50 frå kroppsøving årsstudium ved Høgskulen og 8 utvekslings studentar frå Afrika, 40 frå Adventura, Møre folkehøgskule og 15 frå vernepleiarutdanninga ved Høgskolen i Molde. I tillegg kjem følgjer og mykje familie. Samla vert det over 400 deltakarar, seier Arnesen.
- Vi håpar på mykje godt vèr, god stemning og fine snøforhold heile veka, for dette er årets store "happening" for mange av deltakarane.
Årleg oppleving
- Dei fleste deltakarane kjem att år etter år, og det er nok noko av det som gjer det så givande, fortel også Øyvind Hagen som er med frå lærarutdanninga i Volda.
Sjå og les meir om Spenningskurset på www.spenningskurset.no
