PR-studentane på studietur til Brüssel
- Brüssel er som eit informasjons- og kommunikasjonsknutepunkt i Europa, og for oss har forelesingar og miniseminar med norske institusjonar og selskap der nede vorte årvisse opplegg, fortel studieprogramansvarleg Jens Standal Groven ved Høgskulen i Volda.
Andreårsstudentane i Bachelorgradsstudiet i PR, kommunikasjon og media vert godt mottekne av både private verksemder og dei norske, offentlege utsendingane som arbeidar i EU-hovudstaden.
Studentar framfor Antwerpen City Hall, der Den norske generalkonsulen orienterer om Noreg si rolle i hamnebyen.
– For å forstå informasjonsarbeid i ein større sammanheng, får studentane i emnet Samfunnskommunikasjon sjå korleis det offentlege Noreg driv informasjons- og kommunikasjonsarbeid mot EU, mellom anna innanfor organisasjonane LO, NHO og Bellona, fortel Groven.
Det norske samfunnet i EU
Europasamarbeidet er viktig i kvardagen til oss her heime, og svært mykje informasjon skal fordøyast og formidlast vidare slik at det gir praktisk meinig i Noreg. Hundrevis av nordmenn arbeidar for ulike organisasjonar i Brüssel, og mange av dei i Norway House, der fleire av dei politiske og offentlege myndigheitsorgana, som t.d. diplomatar og næringsorganisasjonane held til.
I tillegg til besøka i Brüssel, fekk studentane innføring i korleis Antwerpen by aktivt arbeidar for si rolle som ei av Europast viktigaste hamner, der fleire norske selskap har kontor. Noreg har også eigen generelkonsul i hamnebyen.
Verksemder i Noreg er sterkt representert i Antwerpen.
Internasjonalisering
Studieturen er støtta av prosjektmidlar frå Virkemidler for regional FoU og innovasjon (VRI), som skal fremje kunnskapsutvikling, innovasjon og verdiskaping.
– Studentane får førstehands kjennskap til korleis maritim og marin industri i regionen arbeidar målretta i Europa, forklarar prosjektleiar for VRI-prosjekta, Bjørn Gunnar Tafjord.
– Dette er svært viktig kompetanse for framtidige kandidatar hjå desse eksportverksemdene, seier han.
PR-studentar framfor EU-kommisjonen sitt hovudkvarter i Brüssel, vegg-i-vegg med Norway House.
Arbeide for norske interesser i utlandet
– Det er svært inspirerande å lære om det norske arbeidet i EU og ut mot verda elles. Der er mange jobbar som vi ikkje veit om. Vi kunne godt tenke meg å arbeide for norske interesser i utlandet, kommenterer studentane.
Les meir om bachelorgradstudiet i studiekatalogen
