Eksamensinnspurt: God jul til alle!
20. desember markerer siste eksamensdato før jul ved Høgskulen i Volda. Med rundt 300 eksamenar gjennomført, vil vi takke for haustsemesteret 2024.
Haustsemesteret er nok ikkje omme heilt enno, med både sensurar og nokre eksamenar i vente i januar. Likevel vil vi nytte høvet til å takke for innsatsen i 2024:
Kjære student: Vi ønskjer alle studentane våre ei velfortent juleferie! Ta eit pust i bakken og nyt tida med dei næraste. Gratulerer både til deg som har fullført alle eksamenane dine, og til deg som snart er ferdig. Du som har litt igjen; hald motet oppe og finn ein god balanse mellom arbeid og kvile. Vi heiar på deg!
Kjære eksamensvakter: Den jobben de gjer er eit avgjerande bidrag for å oppretthalde den gode kvaliteten på eksamensavviklinga. Tusen takk for ein framifrå jobb!
Retteleg god jul og godt nytt år! Vi gler oss til å sjå dykk igjen i januar.
Opningstider i jula:
23. desember 08.00 - 13.00
27. desember 10.00 - 14.00
30. desember 10.00 - 14.00
Tlf: 700 75 000
E-post: postmottak@hivolda.no
Torsdag 2. januar er første dag etter juleferien.
Saknar du nokon i jula?
Vi sender varme tankar til deg som saknar nokon i jula. Sakna-treet har fått mange hjerter gjennom desember – tusen takk til alle som har delt.
