VoldaKom: tverrfagleg fagdag i medieutdanninga
Det var Norsk kommunikasjonsforening sitt studentlag i Volda, POE-prosjektet og Institutt for kommunikasjon som invitere til ein fagdag der temaet var tverrfaglegheita i medie- og kommunikasjonsarbeidet.
Det var Norsk kommunikasjonsforening sitt studentlag i Volda, POE-prosjektet og Institutt for kommunikasjon som invitere til ein fagdag der temaet var tverrfaglegheita i medie- og kommunikasjonsarbeidet.
Tilbodet var i utgangspunkt til alle studentar i PR, kommunikasjon og media, i Outdoor Media Production og i medieproduksjon, men det kom mange tilsette og fleire frå praksisfeltet.
– Det er godt å setje ein fot i bakken for å jorde seg litt og møte noverande og tidlegare studentar som fortel om sine erfaringar i det arbeidslivet vi utdannar til, kommenterte Kristian Fuglseth frå programkomiteen ved medieutdanninga.
Ei sektor i stor endring
På innleiarlista stod ein miks av tilsette med spesielle kompetanseområder slik som Jon Harman som innleia om utviklingstrekk i ein internasjonal medie- og kultursektor i stor endring, Ellen Lexerød om juridiske problemstillingar på tvers av kommunikasjonsfeltet, og i tillegg leiarar innan kommunikasjon i privat og offentleg verksemder som t.d. Iselin Nevstad Øvrelid som til no har vore kommunkasjonssjef i Herøy kommune og no er på veg over i politiet. Det var Helge Karbø som har starta for seg sjølv i Fjord Nature, Anette Weibust Petersen som fortalde om utvikling av teneste på nett, m.fl.
– Programmet er bra variert, og nokre – men på langt nær alle fasettar av vår mangeslungne medie- og kultursektor var med, kommenterte også instituttleiar ved medielinja Jens Standal Groven då han takka av programleiar, PR-student og P3-kjendis Jo Martin Kjesbu. Han gjorde ein god jobb og sette ei flott ramme rundt heime dagen, både før og etter gatemat-lunsjen som Rokken serverte til alle dei om lag 120 frammøtte.
Ønskjer VoldaKom som fast innslag
Målet for programkomiteen var å få fram tverrfaglegheita, fortel studentassistentar ved kommunikasjonsutdanninga og engasjerte i studentlaget, Olav Amar Sherpa Rangsæter-Kråkenes og Nora Skansen Skranefjell som har vore med i programkomiteen saman med Eli Helland og dei andre tillitsvalde i PR, kommunikasjonsutdanninga.
– Å få vise fram praksisfeltet på denne måten til studentar og tilsette er verdfullt for oss, fordel også prosjektleiar i POE-prosjektet ved Høgskulen i Volda, Ivar John Erdal. Studentane og dei tilsette som arrangerer dette har gjort ein kjempejobb, så det er berre å takke for innsatsen. Dette må vi få meir av.
– Vi vonar at VoldaKom vert eit fast innslag, slik som kommunikasjonsdagen var før pandemien, kommenterte også instituttleiar Groven til slutt.
