Bachmann ny leiar i Studenttinget i Volda
Lars Vegard Bachmann vart valt til ny leiar i STiV torsdag 25. januar. - Eg vil mellom anna jobbe for betre studentengasjement, seier han.
Lars Vegard er 20 år gamal og er i gong med andre året av ein bachelorgrad i Informasjon og media ved Høgskulen i Volda.
Ei av dei viktegaste sakane han vil arbeide med vil vere å auke engasjementet hjå studentane. Han ynskjer at fleire studentar bør bry seg.
- Eg treng hjelp for å klare å nå dei måla eg har satt for STiV, og om nokon vil hjelpe meg med det er det berre å ta kontakt, seier han.
