Spel, design og forsking
Spelforsking er eit nytt felt i verda, men ikkje i Volda. Sida midt på nittitalet har Torill Mortensen, ein av dei tidlege spelforskarane på den internasjonale arenaen, arbeida med si forsking med base på Avdeling for mediefag. Denne veka legg ho, saman med konferanseleiaren Kristine Jørgensen frå Universitetet i Bergen, til rette for ei samling av spelforskarar frå inn- og utland.
Konferansen Games; design and research held til i litle auditorium i Berte Kanutte-huset, torsdag 3 og fredag 4 juni.
Blant dei som kjem til konferansen er Ole Herbjørnsen, speldesignar i det kjende norske selskapet Funcom, og Aki Järvinen, spelforskar og designar frå finske Digital Chocolate, både inviterte føredragsholdarar.
Vidare vert det bidrag frå Italia, Frankrike, Norge og Sverige, og nokre føredragshaldarar vert digitalt til stades frå USA og Sverige.
Tema for konferansen er samanhengen mellom speldesign og forsking, både korleis forsking kan nyttast inn mot speldesign, og korleis speldesign er eit nyttig reiskap for å forske på og forstå kva spel er og kan vere.
Les meir på www.hivolda.no/games
