Workshop om tradisjonskunst
Studentane ved formgiving, kunst og handverk gjennomfører no ein workshop under leiing av kunsthandverkar Audun Røhnebæk Stikbakke, for tida masterstudent ved Raulandsakademiet.
– Eg er svært oppteken av tradisjonskunst, og i dag lærer eg studentane å føye saman bitar av tre utan å bruke lim eller spikar, seier han.
Design
Som innleiing til den praktiske delen av workshop’en, hadde Audun Røhnebæk Stikbakke ei førelesing om designprosessar.
![Workshop om tradisjonskunst Workshop om tradisjonskunst](/sites/default/files/styles/widget/public/2017-09/aslaug_m_djupvik_620.jpg?itok=7nUU2GSP)
Tradisjonskunst
– Dei siste åra har eg spesialisert meg på skandinavisk tradisjonskunst, i første rekkje interiør, møblar og brukskunst. Masteroppgåva mi vil handle om tradisjon og fornying og eldre hotellinteriør, seier Stikbakke.
– Fantastisk seminar
Aslaug Maria Djupvik går siste året på den tre-årige faglærarutdanninga. Ho synest det er flott å lære godt gammalt handverk.
– Seminaret er heilt fantastisk. Skal ein utvikle seg kreativt er det viktig å ha inngåande kunnskap om materiale og teknikkar, slår ho fast.
![Workshop om tradisjonskunst Workshop om tradisjonskunst](/sites/default/files/styles/widget/public/2017-09/stikbakke_m_stud_620.jpg?itok=gEltlWF9)