Offisiell opning av Synnøve Riste-huset måndag
Måndag 26. april er det offisiell opning av Synnøve Riste-huset ved Høgskulen i Volda. Synnøve Riste-huset skal huse Avdeling for humanistiske fag og lærarutdanning, og vert stilt til disposisjon for høgskulen og avdelinga av avdelingsdirektør Randi Merethe Rogstad frå Statsbygg.
Synnøve Riste-huset. Foto: Helle Nærø
Statsbygg eig alle bygningane som husar Høgskulen i Volda, utanom Ivar Aasen-huset, Lettbygget og B-paviljongen, som er eigde av Volda kommune.
Ved opninga vil Geir Hjorthol frå Avdeling for humanistiske fag og lærarutdanning opne med fanfare og kunstnarleg innslag saman med kollega Erik Fooladi. Etter nøkkelseremonien vil Ragnhild Engeset og Stein Helge Solstad avslutte med eit musikkinnslag.
