Skikurs på Bjorli for Idrett fordjupingsstudium
Kurset er ein del av den obligatoriske undervisninga.
– Føremålet er å lære studentane om skiopplæring for born, og skiidretten telemark som idretts- og kroppsøvingsaktivitet. Opphaldet på Bjorli vert fram til fredag 4.februar, fortel førstelektor Frode Sætre.
I løpet av vårsemesteret har studentane to samlingsveker. I den fyrste samlinga, som no er på Bjorli, er innhaldet leik på ski og grunnleggande teknikk i telemark og skihopp. Andre samling vert i veke 12 på Hafjell, der hovudfokus er vidareutvikling av skiteknikk i alpint.
Sondre Kveen nyt skiføret i vinter.
Skiutdanninga legg vekt på å gje studentane kunnskap, erfaring og dugleik innan ski som kroppsøvingsaktivitet og som idrettsaktivitet.
– I vinterlandet Noreg er ski ein viktig del av den norske kulturarven, kroppsøvingsfaget og fritidstilbodet. Det er såleis viktig å få fram dyktige lærarar og trenarar slik at kvaliteten i undervisninga kan verte høg, seier Sætre.
Skikurs på Bjorli i 2010
Frode Sætre og høgskulelærar Trude Flø Johnsen ved Seksjon for idrett og friluftsliv står for undervisninga desse dagane.
Godkjent studium gir 15 studiepoeng, og innanfor Norges Skiforbund sin utdanningsstige gjev studiet kompetanse som Trenar 1 i alpint og telemark.
Moro på skikurs på Bjorli, 2010
Les meir om Idrett fordjupningsstudium
Sjå video av skikurset (av Gaute Mortensen) 
Tekst: Aud Marit Wigg