Semestre

ENG142 Litteratur, kultur og samfunn etter 1900

Emnekode: 
ENG142
Varighet: 
1 semester
Studiepoeng: 
15
Studienivå: 
Bachelor (grunnivå)
Undervisningssemester: 
2022 Haust
Eksamenssemester: 
2022 Haust
Undervisningsspråk: 
Engelsk
Krav til forkunnskapar

Ingen

Om emnet

Emnet gir ei innføring i moderne litteratur, kultur og samfunn frå den engelskspråklege delen av verda etter 1900. Det omfattar eit breitt utval hendingar, tekstar og andre sosiale og kulturelle fenomen frå USA, Storbritannia og dei tidlegare britiske koloniane, og gjev studentane ferdigheiter til å forstå, analysere og vurdere dette materialet.

Læringsutbytte

I samsvar med det nasjonale kvalifikasjonsrammeverket har studenten følgjande læringsutbytte etter fullført emne:

Kunnskapar

Etter fullført emne har studenten forståing og kunnskap om:

  • nokre viktige formelle og tematiske særtrekk ved engelskspråkleg litteratur etter 1900
  • sentrale aspekt ved historie, kultur og samfunn i Storbritannia, USA og andre engelskspråklege land etter 1900
  • grunnleggande teknikkar for litterær, kulturell og historisk analyse
  • samspelet mellom samfunnshistorie, litteratur, kunst og kultur i denne perioden
  • korleis ein skriv gode akademiske essay på engelsk
Ferdigheiter

Etter fullført emne kan studenten:

  • analysere og tolke moderne engelske litterære tekstar i ulike sjangrar ved bruk av normerte metodar for litterær kritikk
  • vurdere og tolke politiske og historiske hendingar i engelskspråklege land etter 1900
  • nytte digitale ressursar til å analysere og vurdere litteratur, kultur og samfunn
  • samanlikne og analysere samspelet mellom litteratur, kultur og samfunn i denne perioden
  • skrive strukturelt og stilistisk gode akademiske essay på engelsk
Generell kompetanse

Etter fullført emne kan studenten:

  • analysere, evaluere og presentere informasjon på ein kritisk og samanhengande måte
  • skrive overtydande og velstrukturerte akademiske essay
  • formidle engelskspråkleg kultur til eit breitt publikum
  • bruke digitale ressursar på ein kritisk og produktiv måte
Praktisk organisering og arbeidsmåtar

Det vert lagt opp til undervisning kvar veke. Den skjer i form av førelesingar, diskusjonar, gruppearbeid og individuelt arbeid. 

Vilkår for å framstille seg til eksamen

Frammøtekrav

Studenten skal delta aktivt på minimum 75% av all timeplanlagt undervisning, jf. § 4-6 i Forskrift om opptak, studium og eksamen ved Høgskulen i Volda

Arbeidskrav

For å kunne gå opp til eksamen må studenten også fullføre og få godkjent tre skriftlege arbeidskrav innan ein frist som vert kunngjort ved semesterstart:

  1. ein kort tekst med relevans til arbeidslivet som formidlar engelskspråkleg kultur til eit breitt publikum (studentane kan bli spurt om å lese og kommentere oppgåvene til kvarandre)
  2. eit samfunns- og historiearbeidskrav (1000 ord)
  3. eit litteraturessay (1500 ord)

Ein student som får underkjent eit arbeidskrav får normalt eitt nytt forsøk på å fullføre dette (vanlegvis med kort frist). 

Sensorordning

Sensur blir gjennomført i samsvar med Forskrift om opptak, studium og eksamen ved Høgskulen i Volda, § 5-11.

Evaluering og kvalitetssikring

Emnet vert evaluert i samsvar med HVO sitt kvalitetssystem.

Maksimumstal: 
50
Emneansvarleg: 
Timothy Saunders
Emnet inngår i følgande studieprogram
  • Engelsk - årsstudium
  • Engelsk - årsstudium (deltid)
  • Historie - bachelor
  • Språk og litteratur - bachelor
VurderingsformGrupperingVarighetKarakterskalaAndelKommentarHjelpemidlerOmfang
Digital eksamen
Individuell
6 timar
A-F, der A er best og E er siste ståkarakter
100
Gjennomførast som heimeeksamen
Eksamen består av tre delar: ei 1000-ord samfunns- og historieoppgåve (34%); ei kortsvarprøve om litteratur (33%); og eit 1500-ord litteraturessay (33%). Tema for litteraturessayet vert publisert på Canvas ei veke før eksamen.
Godkjent av: 
Arne Myklebust