Semestre

KUM306D Masteroppgåve i Kulturmøte

Emnekode: 
KUM306D
Varighet: 
2 semester
Studiepoeng: 
60
Studienivå: 
Master
Undervisningssemester: 
2015 Haust
2016 Vår
Eksamenssemester: 
2015 Haust
2016 Vår
Undervisningsspråk: 
Norsk
Krav til forkunnskapar

KUM302

Om emnet

Gjennom eiga forsking skal arbeidet med masteroppgåva gje studentane djupare innsikt i teori og metode innanfor kulturhistorieforskinga. Det skal òg gje studentane ei meir sjølvstendig haldning til historiske framstillingar og historisk kjeldemateriale i tillegg til innføring i sjølvstendig vitskapleg arbeid. Studentane skal sjølve bruka fagleg teori, metodar og teknikkar i løysinga av historiske problem.

Masteroppgåva i kulturmøte skal vera ei vitskapleg avhandling som byggjer på eit sjølvstendig studium av (historiske) kjelder og relevant litteratur.

Masteroppgåva er obligatorisk for mastergradsstudentar, tilsvarar halvparten av mastergradsstudiet og utgjer 60 studiepoeng.

Læringsutbytte

Kjem.

Kunnskapar

Det er eit mål at studenten har

  • kunnskap om relevant teoretisk og metodisk basis for vitskapleg arbeid
  • dokumentert evne til å nytte kjeldestudium og relevant litteratur til løysing av ei vitskapleg problemstilling kompetanse til utvikling av og gjennomføring av forskingsprosjekt av større omfang
Ferdigheiter

Det er eit mål at studenten har

  • føresetnader for å skrive ein sjølvstendig, kildekritisk oppgåve basert på ei gitt problemstilling.
  • evne til å vurdera og forstå kulturell sameksistens og konflikt realhistorisk og interdisiplinært innafor regionen.
Generell kompetanse

Ingen.

Praktisk organisering og arbeidsmåtar

Studentar på Mastergrad i kulturmøte har krav på rettleiing i arbeidet med oppgåva. Studentane er òg pliktige til å leggja oppgåva fram for rettleiing under arbeidet med henne. Rettleiinga vil bli regulert gjennom ein individuell rettleiingsavtale. Kandidaten skal i startfasen av arbeidet med masteroppgåva, i samråd med rettleiar, levera ein synopsis/ei prosjektskisse på maksimalt 4000 ord med 1,5 i lineavstand og 12 pkt. skrift. Arbeidet med og innhaldet i prosjektskissa, sjå emneplan for KUM302. Skissa skal vera godkjend av rettleiar før kandidaten går vidare med masterppgåvearbeidet.

Vi vil tilby ulike periode-/temaseminar knytt til dei einskilde emna på mastergraden. Ein ventar at kandidaten tek del på seminar som tematisk blir knytte til eiga masteroppgåve og at kandidaten legg fram delar av oppgåva si til diskusjon her.

Vilkår for å framstille seg til eksamen

Ingen.

Evaluering og kvalitetssikring

Emnet vert evaluert i samsvar med HVO sitt kvalitetssikringssystem.

Minimumstal: 
1
Maksimumstal: 
15
Emnet inngår i følgande studieprogram
VurderingsformGrupperingVarighetKarakterskalaAndelKommentarHjelpemidlerOmfang
Masteroppgåve
Individuell
A-F, der A er best og E er siste ståkarakter
35.000 - 40.000 ord med 1,5 i lineavstand og 12 pkt skrift. Notar, tabellar, bibliografi og vedlegg kjem i tillegg.