Semestre
REL206N Spiritualitet før og no
Grunnivå (minimum 45 stp.) i Religion, kultur og samfunn eller tilsvarande.
Spiritualitet som fenomen brer om seg i samfunnet og står ofte i eit spenningsforhold til tradisjonell religion. Dette emnet gjev eit overblikk over spiritualitet – både i eit historisk og dagsaktuelt perspektiv – og rettar eit særleg søkelys mot kristen spiritualitet. Emnet gir grunnleggjande kunnskap om kva spiritualitet er, både som allmennmenneskeleg fenomen, religiøst trusuttrykk og som fagområde. Det vert gjeve ei innføring i kristen spiritualitet i historisk perspektiv i tillegg til aktuelle uttrykk for ulike former for kristen spiritualitet.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten
- har kunnskap om teoretiske diskusjonar om spiritualitet
- har fordjupa kunnskap om kristen spiritualitet gjennom historia.
- har kunnskap om ulike uttrykk for kristen spiritualitet i samtida
Studenten
- kan gjere greie for omgrepet «spiritualitet» og for ulike syn på kristen spiritualitet
- kan finne, vurdere og vise til forsking om spiritualitet og framstille dette slik at det kastar lys over ei problemstilling
- kan handtere relevante faglege verktøy, teknikkar og uttrykksformer
Studenten
- kan formidle sentralt fagstoff som teoriar, problemstillingar og løysingar skriftleg og gjennom andre aktuelle uttrykksformer
- kan reflektere over eiga fagleg utvikling
- kan utveksle oppfatningar med andre med bakgrunn frå fagområdet
Undervisninga går over eitt semester og er sett saman av nettleksjonar i delemna og eit obligatorisk oppgåveseminar som også inkluderer interaktiv studentaktivitet. Det vert gjeve individuell rettleiing, først og fremst knytt til oppgåveskriving.
For å kunne gå opp til eksamen i emnet må studenten
- ha fått godkjent to innleveringar knytt til eit eller fleire av delemna innan fastsett frist
- ha delteke i eit oppgåveseminar på nett der studenten har lagt fram eit utkast til innleveringsoppgåve og har kommentert eit oppgåveutkast frå ein medstudent.
Sensur vert gjennomført i samsvar med Forskrift om opptak, studium og eksamen ved Høgskulen i Volda § 9-4.
- Religion og kultur - bachelor (nettstudium)
- Religion, livssyn og etikk - fordjupingsstudium (nettstudium)
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Heimeeksamen | Individuell | 3 Dagar | A-F, der A er best og E er siste ståkarakter | 100 | Alle. | Ei skrftleg oppgåve på 3000 ord (+/-10%) |