Semestre
TOD203 Bacheloroppgåve: Vitskapsteori, metode og kunstnarleg utviklingsarbeid
80 stp. i teater- og dramafag, med eit minimum av 15 stp. teaterkunnskap og 45 stp. i teaterproduksjon der 15 stp. må vere på 200-nivå.
TOD203 er eit emne som skal gje studenten ei innføring i vitskapsteori, estetikk, akademisk skriving og teatervitskapelege forskingstradisjonar og metodar.
Hovudfokus skal være eit sjølvstendig vitenskapleg prosjekt, der studenten skal velje tematikk/problemformulering frå ei av fordjupingane i studiet.
Prosjektet skal utvikle både den kunstnarlege kompetansen, og evna til akademisk refleksjon og skriftleggjering av eigen praksis.
Studentane skal m.a.:
- få ei innføring i vitskapleg metode, vitskapsteori og estetikk
- få ei innføring i teater- og dramavitskaplege forskingstradisjonar og metodar
- samle inn og vurdere kjelder og litteratur
- skrive ei bacheloroppgåve der studenten skal velje tematikk/problemformulering frå ei av fordjupingane i studie
- utforske tematikken/problemformuleringen frå oppgåva i eit kunstnarleg utviklingsarbeid, som skal ende med ei kunstnarleg presentasjon
- reflektere over eigne funn i eit munnleg paper
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten
- har inngåande kunnskap om eit sjølvvalt tema innan teater- og dramafaget
- kjenner til nyare forsking og utviklingsarbeid innan utvalde delar av teater- og dramafaget
- har kunnskap om utvalde forskingstradisjonar og metodar som er aktuelle innan fagfeltet
Studenten
- kan reflektere kritisk og systematisk innanfor fordjupingsemnet
- kan utvikle ein strukturert akademisk tekst, som svarar på eiga problemformulering, og finne fram til relevant litteratur og forsking
- kan anvende sin fagkompetanse innanfor fordjupningsemne
- kan planleggje, gjennomføre og kritisk analysere eit sjølvstendig kunstnarleg utviklingsarbeid innan fagfeltet
Studenten:
- kan vurdere eige arbeid, med tanke på både prosess og produkt
- kan utveksle synspunkt og erfaringar med andre og slik medverke til utvikling av god praksis
- har skrivetekniske ferdigheiter som førebuing til ei masteroppgåve seinare
Emnet er basert på sjølvstendig individuelt arbeid under obligatorisk rettleiing av faglærar. Undervisinga er eit samspel mellom teoretisk, digitalt, praktisk og sjølvstendig arbeid, og vil ha ulike former som:
- seminar og verkstad
- framsyningar
- gruppearbeid
- sjølvstudium
- førelesingar
Frammøtekrav:
All undervisning er obligatorisk, og oppmøtet må vere av ei aktiv deltakande art.
Viser til Forskrift om opptak, studium og eksamen ved Høgskulen i Volda.
Arbeidskrav:
- Eit skriftleg arbeidskrav.
- Eit visningsseminar der skissa for det kunstnarlege utviklingsprosjektet vert presentert, og deler av utviklingsarbeidet visast performativt. Studentane skal gi tilbakemelding til kvarandre.
Alle arbeidskrav har 2 forsøk
Sensur blir gjennomført i samsvar med Forskrift om opptak, studium og eksamen ved Høgskulen i Volda.
- Teater og drama - bachelor
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Bacheloroppgåve | Individuell | 4-6 Veker | A-F, der A er best og E er siste ståkarakter | 40 | Ei skriftleg forskingsoppgåve | 7-8000 ord. | |
Praktisk eksamen | Individuell eller gruppe (etter avtale) | 4-6 Veker | A-F, der A er best og E er siste ståkarakter | 40 | Framsyning av eit kunstnarleg utviklingsarbeid, som byggjar på funn frå forskingsoppgåva. Framsyninga og forskingsoppgåva må begge vere godkjend for å få gjennomføre den munnlege eksamenen. | Framsyninga: Omlag 30 minutt. | |
Munnleg eksamen | Individuell | 20 minutt | A-F, der A er best og E er siste ståkarakter | 20 | Den munnlege eksamenen er eit framlegg der studenten skal forsvare og forklare samanhengen mellom forskningsoppgåva og kunstnarlege framsyninga . | Eigne notatar | 20 minutt. |