BVP158 Praksisstudium, 16 dagar
Ingen.
I dette første praksisstudiet skal studenten gjennomføre praksis på arenaer der barn og unge ferdast, og bli betre kjend med deira og fagfolk sin kvardag og utfordringar. Det faglege fokuset er retta mot forforståing, relasjons- og profesjonell kompetanse og etikk. Studenten sin sjølvrefleksjon rundt eigne reaksjonar, følelsar og tankar før, under og etter praksis, er sentral. Det er forventa at studenten tar i bruk kunnskap frå tidlegare og parallelle emne.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten:
- Har kunnskap om kommunikasjon, relasjon og samhandling, og etiske verdiar og problemstillingar knytt til relasjonsarbeid
- Har kunnskap om praktisk yrkesteori
Studenten:
- Kan anvende fagleg kunnskap og personleg kompetanse til å kommunisere og samarbeide føremålstenleg med barn, unge og føresette om deira behov og ønske
- Kan reflektere over, analysere og beskrive eigne erfaringar, følelsar og tankar i samband med praksis
- Kan justere praksis under rettleiing
Studenten:
- Kan reflektere over etiske utfordringar i profesjonsutøving, og handle på ein fagleg og etisk forsvarleg måte i møte med barn, unge og familiar
- Har innsikt i eiga forforståing, haldningar og verdiar og betydninga av relasjonskompetanse i barnevernsfagleg arbeid
Emnet går føre seg parallelt med emne BVP152 Oppvekst, migrasjon og marginalisering.
Studenten har praksis ved ein godkjend praksisstad. Studenten følgjer arbeidstida ved praksisstaden, og tar del i det daglege arbeidet.
Studenten skriv samtidig logg med observasjonar, refleksjonar og analysar av erfaringar i praksisstudiet, og har ansvar for sjølvstudium.
Studenten skal ha ein kontaktperson ved praksisplassen som har eit oppfølgingsansvar for studenten. Studenten får også tildelt ein rettleiar ved høgskulen, som vil vere til stades i seminar og følgje opp studenten ved behov.
Det vert også nytta klasseroms- og seminarundervisning i emnet. Seminar midtvegs i praksis vert gjennomført digitalt.
Vi viser til Retningsliner for praksisstudium ved Bachelor i sosialt arbeid – sosionom og Bachelor i sosialt arbeid – barnevernspedagog.
Obligatorisk deltaking
- 16 dagar praksis på godkjent praksisstad, der studenten kan ha maksimalt to dagar fråvær. Fråvær utover dette må takast igjen.
- Det er krav om 80 % obligatorisk deltaking på all anna undervisingsaktivitet (forarbeid, midtvegsseminar, etterarbeid).
Nærare informasjon om obligatorisk deltaking vil gå fram i Canvas. Vi viser elles til § 4-6 i Forskrift om opptak, studium og eksamen ved Høgskulen i Volda.
Arbeidskrav
- Innlevering av praksisavtale
- Innlevering av innstilling til stått/ikkje stått praksis frå praksisstaden
- Innlevering av refleksjonsnotat etter praksis
Nærare informasjon om arbeidskrava vil gå fram i Canvas. Vi viser elles til § 4-7 i Forskrift om opptak, studium og eksamen ved Høgskulen i Volda.
- Social work, Child Welfare Work - bachelor
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Praksis | Individual | 16 Days | Pass / fail | Jf. Retningsliner for praksisstudium (…) vert samla vurdering av praksis gjort av kontaktlærar og praksisrettleiar. |