Ny teknologi krev at skulen utviklar seg. Internett har bidrege til at alle kan samarbeide, kommunisere, produsere, publisere, dele og delta i samfunnsdebatten. Samtidig blir samfunnet meir spesialisert og det vert vanskelegare å planlegge læring for framtida sin kompetansebehov enn tidlegare. Evna til å finne og tileigne seg den informasjonen og kompetansen ein til ei kvar tid treng som lærar, vil i framtida bli stadig viktigare. Emnet DKL01K har eit særleg fokus på å utvikle din eigen profesjonsfaglege digitale kompetanse gjennom læringsnettverk. Dette nettverket består av personar og kunnskapselement. Det er viktig med kompetanse i å finne fram, sile ut, skape og bruke innhald i ulike ressursnettverk. Emnet har både praktiske og teoretiske tilnærmingar.