Semesters
IFL115 Naturguiding – prosjekt og praksis
IFL 112, IFL 113 og godkjende arbeidskrav i IFL114.
Studentane skal levere ei prosjektoppgåve, der dei har utvika og ferdigstilt eit eige guideprodukt i tråd med prosjektskissa, samt skaffe seg innsikt og erfaring med naturguiding som profesjon.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten skal
- ha kunnskapar om guiden si rolle i naturbasert reiseliv.
- ha kunnskapar om dei elementa, som eit naturbasert reiselivsprodukt må innehalde, for å oppfylle krava for ein godkjend turoperatør.
- ha kunnskapar om rammeverket for å kunne gjennomføre praktisk naturguidearbeid etter profesjonsstandarden for naturguidar.
Studenten skal
- kunne utvikle eit guida reiselivsprodukt i kyst- og fjordlandskap, der ein kartlegg og skildrar heile produktet med transport, overnatting, bevertning, guida tur i valt område, vurderingar av tryggleiken og eventuelle restriksjonar i området. Det skal leggjast særleg vekt på sjølve guidearbeidet. Målgruppe skal vere definert.
- kunne bruke kunnskapar, innsikter og erfaringar frå mindre guideoppgåver i studiet til å gjennomføre eit guideoppdrag under ekstern praksis i samråd med ein godkjend turoperatør.
Studenten skal
- kunne reflektere over yrkesmessige, juridiske og etiske sider ved naturguiderolla.
- kunne bidra med erfaringar, innsikt og synspunkt for å utvikle god og ansvarleg praksis innan naturguiding.
Studiet vil veksle mellom forelesingar, drøftingar i plenum, seminar, gruppearbeid og praksis. Studenten sine opplevingar, observasjonar og erfaringar frå aktivitetane ute vil danne grunnlag for drøftingar, refleksjonar og læring. Undervisninga baserer seg på arbeidsmåtar, som krev eigenstudier og forutset aktiv deltaking og medansvar. Studentane får tilbod om rettleiing til arbeidet med prosjektoppgåva. I løpet av emnet skal studentane gjennomføre studieferd/ekstern praksis og må rekne med utgifter i denne samanhengen.
Godkjent deltaking etter høgskulen sine reglar for obligatorisk oppmøte. Semesterplanen gjev nærmare informasjon om dei obligatoriske delane av studiet.
Arbeidskrav som skal vere godkjende for å gå opp til eksamen:
- Frammøte på obligatorisk undervisning og rettleiing.
- Rettleiingsdokument til prosjektoppgåva. Avtale tid for rettleiing med faglærar.
- Plan for studieferd/praksis.
- Rapport etter studieferd/praksis, omlag 2500 ord.
Sensur vert gjennomført i samsvar med Forskrift om opptak, studium og eksamen ved Høgskulen i Volda, kap 5.
Emnet vert evaluert i samsvar med HVO sitt kvalitetssikringssystem.
- Nature Guide
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Oppgave | Individual | 1 Semesters | A-F, A is the best grade and E is the lowest passing grade | 100 | Om lag 5000 ord. |