Semesters
NO321 Norsk som andrespråk og fleirkulturell pedagogikk 1
Ingen.
Emnet er første del av studiet Norsk som andrespråk og fleirkulturell pedagogikk. Det faglege innhaldet i dette emnet er konsentrert om teoretisk og didaktisk kunnskap om fleirspråklegheit, med vekt på analyse og diskusjon av inkluderande pedagogisk praksis. Sentrale tema vil vere arbeid med faglege og didaktiske problemstillingar som gjeld tilrettelegging for språkstimulerande miljø for fleirspråklege barnehageborn, tilpassa opplæring for fleirspråklege elevar, utvikling av norskspråklege leseferdigheiter, arbeid med omgrepsdanning og ordforråd og bruk av kartleggingsverktøy som eit pedagogisk reiskap i undervisning og for tilrettelegging i barnehagen.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten skal ha:
• avansert kunnskap om samanhengar mellom inkluderingsomgrepet, prinsippet om tilpassa opplæring og tilrettelegging for læring og utvikling i den fleirkulturelle skulen og barnehagen
• inngåande kunnskap om fleirspråklegheit, om fleirspråklege arbeidsmåtar og opplæringsmodellar og om føresetnader for god fagleg og språkleg utvikling når norsk er andrespråket
• inngåande kunnskap om korleis ein kan arbeide med ord- og omgrepsutvikling i eit andrespråksperspektiv
• avansert kunnskap om leseforsking og didaktiske perspektiv på tidleg og fortsettande leseutvikling når norsk er andrespråket
• grundig kunnskap om lovverk, rammeplanar, læreplanar og kartleggingsverktøy for språklege minoritetar
Studenten skal kunne:
• analysere, drøfte og arbeide fram pedagogiske løysingar som fører til tilpassa læringsmiljø for fleirspråklege born, unge og vaksne
• legge til rette for eit språklæringsmiljø som utviklar språkleg og kulturelt mangfald
• meistre didaktiske tilnærmingar som gir moglegheit for god ordforråds- og omgrepsutvikling for born/elevar med fleirspråkleg bakgrunn
• meistre didaktiske tilnærmingar som inneber tilpassa leseopplæring
• uttrykkje seg godt på norsk i skriftlege og munnlege faglege framleggingar
Studenten skal:
• kunne tilrettelegge for læring, utvikling, tilpassa opplæring og inkludering i den fleirspråklege og fleirkulturelle skulen og barnehagen
Undervisninga er fordelt på fire samlingar i haustsemesteret, og går over to heile dagar kvar gong. Arbeidsformene vil variere mellom plenumsundervisning, studium av faglitteratur, studentseminar, arbeid i mindre grupper, feltarbeid, munnlege presentasjonar, oppgåveskriving og rettleiing. Studentane må ha tilgang til, og kunne gjere seg nytte av IKT-basert kommunikasjonsverktøy.
- Obligatorisk frammøte på samlingane, med krav om minimum 70 prosent frammøte/deltaking
- Eit feltarbeid på 1 – 2 dagar
- Ein munnleg presentasjon knytt til feltarbeidet
- To skriftlege refleksjonstekstar på 350 - 400 ord, basert på fagartiklar
- Deltaking i alle seminara knytt til arbeidskrava
Studentane skal gjennomføre eit feltarbeid i ein barnehage, skule eller annan institusjon der det går føre seg pedagogisk arbeid retta inn mot språklege minoritetar. Dette vil danne utgangspunkt for å analysere og drøfte problemstillingar knytt til ambisjonar og realitetar i utdanningsløpet. For å avlegge eksamen i emnet er det ein føresetnad at alle arbeidskrava er fullførte og godkjende. Det er faglærarane som godkjenner arbeidskrava. Det er krav om 70 prosent frammøte til obligatorisk undervisning, jf. Forskrift om opptak, studium og eksamen ved Høgskulen i Volda, § 4-6. Studentar som har har fått "ikkje godkjend" på eit arbeidskrav kan få eitt nytt forsøk, jf. Forskrift om opptak, studium og eksamen ved Høgskulen i Volda, § 4-7.
Sensur blir gjennomført i samsvar med Forskrift om opptak, studium og eksamen ved Høgskulen i Volda, § 5-11.
- Norwegian as a second language and multicultural pedagogy
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Oppgave | Individual | 1 Semester | A-F, A is the best grade and E is the lowest passing grade | Studentar som får "karakter F" på eksamen kan få eitt nytt forsøk for å omarbeide eksamensoppgåva si med same problemstilling. Studentar som to gonger har fått "karakter F" ved sensur, må ta emnet på nytt. | 3500 - 4500 ord |