TOD107 Voice acting
60 studiepoeng i teater og drama, med minimum 30 studiepoeng i teaterproduksjon/skodespelarteknikk.
TOD107 er eit emne med fokus på stemmeskodespel, og gir ei innføring i arbeid med lydbok, dubbing og radioteater.
Undervisinga er eit samarbeid med praksisfeltet og vil i stor grad bestå av gjestelærarar frå ulike institusjonar (som td. Lydbokforlaget, NorDubb og NRK Radioteatret) og sjølvstendig arbeid i studio.
Studentane vil jobbe med:
- Grunnteknikkar for stemmeskodespel.
- Lyttetrening, og drøfting og analyse av ulike uttrykk.
- Praktisk-teoretisk innføring i arbeid med lydbok, dubbing og voice over, og radioteater.
- Grunnleggjande innføring i studioarbeid og mikrofonteknikk.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten
- har grunnleggjande kunnskapar om metodar og verkemiddel for stemmeskodespel i arbeid med lydbok, dubbing og radioteater
- har grunnleggjande kunnskap om fagterminologi innan stemmeskodespel
- har kunnskap om skodespelaren sine dramatiske verkemiddel og arbeidsmåtar innan lydbok, radioteater og arbeid med dubbing
Studenten
- kan nytte stemma til å formidle ei dramatisk tekst og rolletolkning med stemma som dramatisk verkemiddel
- har grunnleggjande ferdigheiter i praktisk studioarbeid, mikrofonbruk, og enkel lydteknikk for sjølvstendig lydbokinnspeling og voiceoverarbeid
- kan ta stemmeregi i ein praktisk opptakssituasjon
Studenten
- kan planleggje, gjennomføre og drøfte stemmeskodespelarbeid åleine, og som deltakar i ei gruppe
Undervisninga er eit samspel mellom teoretisk, digitalt, praktisk og sjølvstendig arbeid, og er samansett av:
- seminar og verkstader
- individuelt arbeid
- oppgåver
- lyttingar
- studioarbeid
Undervisninga inneheld ei vekes samling Oslo.
Frammøtekrav:
- Emnet krev aktiv deltaking og engasjement, og all undervisning er obligatorisk.
Vi viser til Forskrift om opptak, studium og eksamen ved Høgskulen i Volda §4-6, om obligatorisk frammøte/deltaking.
Arbeidskrav:
- Ei individuell lydbok-innspeling, på omlag 5-10 minutt.
- Eit dubbingarbeid, individuelt eller i gruppe: på omlag 5 minutt.
- Eit radioteater, i gruppe, på omlag 5-10 minutt.
Alle arbeidskrav har 2 forsøk
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 5-11.
- Theatre and Drama - bachelor
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Produkt/produksjon | Individual | 1 Week | A-F, A is the best grade and E is the lowest passing grade | 70 | Digital eksamen. Eit Voice-reel (i mp3-fomat). | Alle | 5-7 minutt. |
Home exam | Individual | 1 Week | A-F, A is the best grade and E is the lowest passing grade | 30 | Ei skriftleg heimeoppgåve på 1500-2000 ord. Kandidaten skal reflektere over og drøfte ulike utfordringar i stemmeskodespel i lys av aktuell teori. | Alle | 1500-2000 ord. |