Anders Aanes

Fagområde

Eg er språkvitar med lang fartstid frå museumsorganisasjonen Nynorsk kultursentrum (2008-2020). I tillegg har eg arbeidd ein periode som lokalavisjournalist.

Eg har særleg interesse for nyare språkhistorie, språknormer, sosiolingvistikk, diskursanalyse og retorikk. Eg har dessutan arbeidd mykje med nynorsk skriftkultur.

Frå 2019 til 2022 var eg engasjert i forskingsprosjektet Fogderifylket Møre og Romsdal – eit forestilt fellesskap? Identitet i eit grenseland. 

Frå 2015 til 2018 var eg involvert i forskingsprosjektet Museum som minnepolitiske institusjonar, med støtte frå Kulturrådet. Eg granska då vilkåra for forsking i musea kring Bjørnsonåret 2010, og publiserte ein artikkel i boka Forfattarens skrifstader. Litterære museum i norsk minnepolitikk (red. Ottar Grepstad 2018) saman med Stein Arnold Hevrøy. 

Eg er emneansvarleg for NO112S/NO102N Språket som kultur, der eg underviser i sosiolingvistikk, pragmatikk og tekstteori. Eg underviser dessutan i morfologi og semantikk i haustemnet NO111S/NO101N Språket som struktur. 

Utdanning og kurs

2002/2003: Årsstudium i norsk (nordisk), Høgskulen i Volda
2003-2005: Bachelor i journalistikk, spesialisering i avis, Høgskulen i Volda
2006-2010: Mastergraden i nynorsk skriftkultur. Masteroppgåve: Forvirring eller frigjering? Didaktikk og valfridom i nynorsk. Ei gransking av kjennskap og haldningar til valfridom ved fire vidaregåande skular i Møre og Romsdal (rettleiar Helge Sandøy)

2023: HPE207 Pedagogisk basiskompetanse, Høgskulen i Volda
2024: HPE210 Engelsk for akademiske formål

Doktorgradsprosjekt/ph.d.

I ph.d.-prosjektet mitt vil eg sjå nærare på den såkalla folkemålslinja i målrørsla, primært på 1970-talet. Eg vil undersøkje kva for retoriske vilkår og strategiar som ligg til grunn i denne brytningstida då dialektar vart vektlagde i endå større grad i argumentasjonen for nynorsk. Sjølv om dialektane har vore fundamentet for nynorsken heile vegen, er det rimeleg å seie at det frå slutten av 1960-talet utvikla seg ein ideologi som førte til at stillinga til dialektane i Noreg vart ytterlegare styrkt i det offentlege rommet. Samstundes vart valfridomen i skriftspråket i større grad teken i bruk som eit didaktisk verkemiddel. I prosjektet vil eg nærlese språkpolitiske tekstar for å analysere korleis ein skapte ryggdekning for det nye fornuftsgrunnlaget for nynorsken i perioden. 

Rettleiar for prosjektet er Gudrun Kløve Juuhl (HVO). Medrettleiar er Eli Bjørhusdal (HVL).  

Verv

Eg sit i styret i Forskerforbundet ved Høgskulen i Volda.

Tidlegare verv

I perioden 2021-2023 var eg seksjonsleiar for Ivar Aasen-seksjonen for språk, litteratur og kultur. I same perioden var eg studieprogramansvarleg for Bachelor i språk og litteratur.