Folksam avslutning av Forskingsdagane på Brandal
Svært mange møtte fram då Forskingsdagane vart avslutta på Ishavsmuseet på Brandal laurdag ettermiddag. Det var trongt om plassane då Sverre Sundalsfoll viste film og bilde frå Vesterisen og Arnljot Løseth fortalte om sunnmørsk selfangsthistoria. Etter foredraga kunne publikum få med seg omvising på det innhaldsrike museet, og i kafeen vart det sjølvsagt servert selkjøtgryte.
| - Vi er godt nøgde med at vi kunne ha avslutninga på Ishavsmuseet. Det passar svært godt sidan polaråret er hovudtema for årets Forskingsdagar. |
Suksess med foredrag på radio
Over halvparten av arrangementa i år var lagt utanfor høgskulen, og det er første gong vi har hatt med så mange ulike arrangørar.
Vi har dei siste åra fått til eit godt samarbeid med Volda bygdetun og Eldreuniversitetet i Volda, og i år fekk vi også med oss Ivar Aasen-tunet, Bygderadio Vest og Ishavsmuseet på Brandal. Dessutan stod studentane sjølve – ved Studenttinget i Volda (STIV) – for eit eige arrangement på Rokken. Dei hadde valt å fokusere på klima- og miljøproblematikken og inviterte til miljødebatt. Tre politikarar var debattantar, og arrangørane kunne melde om fullt hus og godt engasjement.
Sigurd Allern, Sigurd Høst og Paul Bjerke (bak) får omvisning på Sivert Aarflot-museet etter dagsseminaret "Kva er vitsen med journalistikk?" under Forskingsdagane.
Les meir på www.hivolda.no/forskingsdagane
Du kan også lesa Janita Mo sin rapport frå Ishavsmuseet. Ho er student ved Bachelorgradsstudiet i Informasjon og Media.
