Her er FoU-administrasjonen på HVO

Frå venstre Marit Gridseth Flø (avtroppande FoU-konsulent), Geir Tangen (FoU-konsulent), Johann Roppen (FoU-rådgivar) og Marie Nedregotten Sørbø (prorektor med ansvar for forsking). Foto:  Per Halse.

FoU-administrasjonen er direkte underlagt direktør og rektorat. Til dagleg er det prorektor Marie Nedregotten Sørbø som har ansvar for forsking og ho er også leiar i Forskingsutvalet.

FoU-konsulent Geir Tangen er utdanna cand.polit. med hovudfag i samfunnsvitskap frå Universitetet i Tromsø (1992). Han har tidlegare vore tilsett som høgskulelektor ved Høgskulen i Volda, programkoordinator for NFR-programmet «Regional utvikling» (1999-2004) og forskar ved Møreforsking Volda (1997-2013). I tillegg har han hatt fleire ulike administrative stillingar ved HVO, både på avdelingsnivå og fellesnivå.

Forskingsprosjekta har særleg vore innanfor område som regional utvikling, regionale innovasjonsprosessar, lokal næringsutvikling m.v. og særleg med problemstillingar knytt til ulike samarbeidsmodellar og partnarskap innan lokalt- og regionalt plan- og utviklingsarbeid. Han har fleire publiseringar i nasjonale og internasjonale faglege tidsskrift, fagbøker, konferanserapportar med meir.

Til dagleg har FoU-konsulenten ansvaret for arbeidet med registrering og kvalitetssikring av faglege arbeid i Cristin-systemet, Forskingsdagane, vevsidene og har også ansvaret for Publiseringsutvalet som er under oppretting. Publiseringsutvalet tek over oppgåvene til Skriftserieutvalet, men får også ansvaret for kvalitetssikring av publisering i CRISTIN, Open Access og andre tilknytte oppgåver.

FoU-rådgivar Dr.polit Johann Roppen er saksbehandlar for forskingsutvalet og har ansvaret for arbeid kring prosjektkoordinering og kompetansetiltak. Roppen tok til i stillinga i januar 2013 og kom frå stilling som professor ved Avdeling for mediefag.

For generelle henvendelsar til FoU-administrasjonen kan e-postadressen FoU@hivolda.no brukast.

Les meir på FoU-sidene på hvo-veven:

http://www.hivolda.no/nyn/hivolda/forsking-og-utvikling/forsking-og-utvikling