Samsaya til Volda og Internasjonal dag
Samsaya. Foto: Hilde Holta Lysell
– Perfekt for Internasjonal dag! Vi er stolte av å ha Samsaya på årets program og gleder oss til å ta i mot henne, seier leiar for Internasjonalt kontor Cecilie Wilhelmsen.
Samsaya gleder seg minst like mykje til dagen.
–Endeleg får eg spele i Volda! Det er kult å få opptre på Internasjonal dag- eg ser fram til å møte så mange som mogleg! Seier den unge popartisten.
Rett etter minikonserten stiller Samsaya til intervjuforum om si internasjonale erfaring i Store BK auditorium, etterfølgt av voldastudentar sine eigne utvekslingserfaringar
Meir om Samsaya:
Samsaya si heimeside
Samsaya på Facebook
Sjå Samsaya framføre sin komande singel "Breaking Bad" på Fisk & Vilt i Oslo
Pressekontakt Samsaya: Kathrine Synnes, e-post: kfinnskog@me.com, tlf: 906 91 318
Levande internasjonalt program
Eksotisk dans, studentband, gratis internasjonal lunsj til alle, korsong og spanande internasjonale gjestar, i tillegg til stands med presentasjon av ulike utvekslingsmoglegheiter og ein konkurranse kor du kan vinne heile 8000 kroner til å besøke ein sjølvvald partnarinstitusjon- Internasjonal dag vert ein dag med yrande liv i kantineområdet på Berte Kanutte.
–Eg vonar så mange som mogleg kjem for å høyre Samsaya, og ikkje minst få med seg resten av det eksotiske programmet, seier Cecilie Wilhelmsen engasjert.
Ho minner om hovudformålet med Internasjonal dag.
–Det aller viktigaste med dagen er at våre studentar skal bli inspirert til å ta eit semester u te, så nytt høvet til å snakke med representantar frå utlandet og studentar som har vore på utveksling femtande februar, seier Wilhelmsen.
Internasjonal kveld
Programmet på høgskulen varer til 14.30, men på kveldstid vert det internasjonal quiz på Rokken klokka 20.00 og deretter konsert med Samsaya gjennom klubbkonseptet Klubb Mittwoch på Det grøne treet.
–Det er spesielt og kjekt at vi speler både på dagen og på kvelden. Desse konsertane vert ulike, så det gjeld å få med seg begge. Eg gleder meg som ein liten unge til «Breaking Bad» i Volda! Seier Samsaya engasjert.
Billettar til konserten vert lagt ut for salg måndag 06.02 og kan kjøpast på Pangaia mellom 10.30 og 15.30, mandag til fredag, og Det grøne treet. Konsertstart 22.00, aldersgrense 18 år.
Facebookevent for konserten på Det grøne treet
