Hiroshima og Volda
10. - 11. september kjem Hiroshima til Volda med kultur, forsking og historie. I samband med seminaret "Little Boy Over Hiroshima" Ventar høgskulen storinnrykk av gjestar frå Japan. Miyoko Matsubara er ei av få gjennlevande frå bombinga den 6. august 1945. Ho fortel om sine opplevingar og blir m.a. supplert av representantar for Nobelkomiteen og Det Norske Nobelinstitutt.
-Dette har vi sett fram til lenge, seier Gunnar Strøm, prosjektleiar for seminar og utstilling.
- Takka vere Tengyo Kura og Arnljot Løseth har vi fått oppretta kontaktar med toppfolka innanfor både historie kring Hiroshima og fredsforsking.
Når vi i tillegg kan vise fram ei utstilling oversendt frå fredsmuseet i Hiroshima meiner vi å ha eit sterkt program som speler på mange strenger.
Programmet opnar den 10. september med utstilling frå Hiroshima kl 18.00 og held fram med konsert der japanske musikarar speler saman med Magnar Aam og Volda Vokal i Volda kyrkje den 10. september kl 20.00
Den 11. september er det eit variert og spanande seminarprogram.
Les meir om seminaret på www.hivolda.no/hiroshima
