Ny utgjeving frå Ivar Aasen-instituttet
Ivar Aasen-instituttet har gitt ut ei ny bok i skriftserien sin, "Noregs Boklag - ei forlagssoge" av Aud Skipenes. Boka er masteroppgåva hennar ved mastergraden i nynorsk skriftkultur frå hausten 2004, og skildrar eit forlag og deira kamp for å overleve.
"Noregs Boklag - ei forlagssoge" syner korleis forlaget har sett spor etter seg i den nynorske litterære verda.
Nyutgjevinga i skriftserien til Ivar Aasen-instituttet ved Høgskulen i Volda tek føre seg årsakene til at Noregs Boklag vart skipa og fortel om dei ulike eigarane.
Vidare drøftar boka nynorskrørsla, i tillegg til å ta føre seg driftsstyrarane, dei viktigaste konsulentane og ein del av forfattarane.
"Noregs Boklag - ei forlagssoge" er det nittande nummeret i skriftene frå Ivar Aasen-instituttet, og vert distribuert gjennom Ivar Aasen-instituttet ved å ta kontakt på telefon 70 07 50 16 eller ved å sende ein e-post til Roger Ole Rangsæter.
