Forsking og utvikling

Professor Rolf Werenskjold ved Avdeling for mediefag skal ta del på dei Nordiske filmdagane Lübeck i denne veka. Filmfestivalen er den største festivalen for nordiske filmar utanfor Norden og dei arrangerer også forskingsseminar om film der Werenskjold skal leie ei av seminargruppene.

Måndag 22. oktober til onsdag 24. oktober 2018 arrangerte Nasjonal forskarskule for lærarutdanning (NAFOL) den femte internasjonale konferansen på Hamar. NAFOL er drive av 17 universitet og høgskular, mellom andre Høgskulen i Volda.

– Det er eit stort behov for naturguidar, seier dagleg leiar i 62°NORD Knut Flakk og fagmiljøet i friluftsliv ved Høgskulen i Volda. Det ligg no an til eit samarbeid mellom 62°NORD og Høgskulen i Volda for å gjere naturguideutdanning meir kjent, auke talet på studieplassar og å utvikle reisemål i sunnmørsk natur.

Dei fem kommunane som skal bli nye Ålesund har inngått eit samarbeid med Høgskulen i Volda om barnehagebasert utviklingsarbeid for tilsette i barnehagane. Bakgrunnen for samarbeidet er ny rammeplan for barnehagen.

På den åttande nasjonale forskingskonferansen om norsk som andrespråk (NOA-konferansen) lagt til Universitetet i Oslo 11.-12. oktober, vart Randi Myklebust ved Høgskulen i Volda tildelt Anne Hvenekilde-prisen 2018.

I samband med eit forskingsseminar Høgskulen i Volda (HVO) arrangerer om forholdet mellom musikk og litteratur, blir det to opne arrangement. Onsdag 17. oktober blir det poesikonsert med påfølgjande jamsession på Fru Svendsen kunst- og kulturkafé i Ørsta. Torsdag 18. oktober blir det ein samtale mellom professor Geir Hjorthol og forfattaren Lars Amund Vaage i høgskulebiblioteket.

Korleis skal helse- og omsorgssektoren i Møre og Romsdal møte framtidas kompetansebehov? Det er hovudtema på ein konferanse Helse Møre og Romsdal, Høgskulen i Volda, Høgskolen i Molde, NTNU Ålesund og Møre og Romsdal fylkeskommune arrangerer i Volda i dag.

Sidan tidleg på 80-talet har norske fagfolk som underviser i planlegging samarbeidd om å gi ut lærebøker i planlegging. I den nye boka Plan og samfunn har professor Roar Amdam ved Avdeling for samfunnsfag og historie skrive om samarbeidsdriven planlegging.

Førsteamanuensis Stine Ekornes ved Avdeling for humanistiske fag og lærarutdanning er aktuell med ny bok om lærerprofesjonalitet i arbeidet med psykisk helse i skolen.

Førsteamanuensis Idar Flo og professor Rolf Werenskjold ved Avdeling for mediefag har skrive kvar sitt bidrag i ein ny internasjonal publikasjon om europeiske filmaviser publisert av det anerkjente forlaget Palgrave i Global Cinema Series.