Fagdag Barnehage 2010: Vår fleirkulturelle barnehage
Med fagdagane ønskjer vi å skape ein arena der studentane våre, fagfeltet i barnehagane og førskulelærarutdanninga ved Høgskulen i Volda kan møtest for oppdatering og utveksling av erfaringar. Den 26. november inviterer vi til ein ny fagdag om vår fleirkulturelle barnehage. På programmet står mellom anna Marit Gjervan frå Nasjonalt senter for flerkulturell opplæring (NAFO).
Gjervan vil snakke om språkleg og kulturelt mangfald. Ho er blant anna medforfatter av boka "Se mangfold!" og redaktør av "Temahefte om språkleg og kulturelt mangfald".
I tillegg vil Åsemyra barnehage frå Ålesund legge fram korleis dei i deira barnehage arbeider med haldningar og verdiar i høve den fleirkulturelle barnehagen. Åsemyra barnehage er fokusinstitusjon for NAFO og har i tre år arbeidd i eit Comenius prosjekt.
Fagdagen er finansiert av Høgskulen i Volda og er difor utan deltakaravgift.
Meld deg på innan 19. november på www.hivolda.no/barnehagefagdag
Vel møtt!
