Innovasjonscamp 2016
6. – 7. juni får Høgskulen i Volda besøk av 125 elevar frå Volda vidaregåande skule. I undervisningsopplegget «Innovasjonscamp», eit samarbeid mellom skule og næringsliv, skal dei kome med kreative innspel på korleis høgskulen og studiebygda kan bli meir attraktive.
Over 20 grupper à 5 elevar vil få hjelp og støtte av rettleiarar frå oppdragsgjevarane Høgskulen i Volda (HVO), Studentsamskipnaden for Sunnmøre (SfS), Volda næringsforum, Sunnmøre kulturnæringshage, X2 festivalen, Volda kommune og Furene AS.
Dei beste ideane blir premierte. Juryen er samansett av Kirsti Gjørvad (Scana), Rune Aasen (SfS), Veronica Kvalen Pilskog (HVO), Per Arne Brandal (HVO) og Atle Vasbotn Remmereit (Oclin AS).
Innovasjonscamp er eit undervisningsopplegg utvikla av Ungt Entreprenørskap ved Møre og Romsdal fylkeskommune som gir elevar, denne gongen frå Volda vidaregåande skule, trening i problemløysing ved hjelp av kreativitet og nytenking. I undervisningsopplegget får elevane eit oppdrag frå næringslivet som dei skal finne og presentere løysingar på innanfor eit avgrensa tidsrom.
