Slik blir HVO-styret 2023-2027

Kunnskapsdepartementet har utpeika fire nye eksterne styremedlemmar og to varamedlemmar. Sjå kven dei er her.

Sivert Aarflot-huset — Foto: Karl August Swanstrøm / Høgskulen i Volda.

Kunnskapsdepartementet har utpeika eksterne styremedlemmar og varamedlemmar ved Høgskulen i Volda (HVO), og no er Høgskulestyret for perioden 1. august 2023 - 31. juli 2027 komplett.

Kunnskapsdepartementet har utpeika desse medlemmane:

Roar Tobro (1959), Ålesund. Seniorrådgjevar i rektor sin stab ved NTNU. Han har site i Høgskulestyret ved Høgskulen i Volda sidan 2019.
Kjersti Kleven (1967), Ulsteinvik. Dagleg leiar i Skaparhuset.
Rasmus Stokke (1953), Kaupanger. Førsteamanuensis emeritus ved Høgskulen på Vestlandet.
Shazia Majid (1974), Oslo. Journalist i VG.

Kunnskapsdepartementet har også utpeika to varamedlemmar:

Mala Wang-Naveen (1976), Oslo. Kommunikasjonssjef i SINTEF.
Lars Anders Kulbranstad (1948), Hamar. Professor emeritus og forskingsleiar ved Høgskolen i Innlandet (HiNN).

Tidlegare i år vart det også valt tilsettrepresentantar til Høgskulestyret. Desse er:

fast teknisk/administrativ representant: Bjørn Gunnar Tafjord
fast fagleg/vitskapleg representant: Silje Louise Dahl
fast fagleg/vitskapleg representant: Randi Bergem
fast fagleg/vitskapleg representant: Per Halse

Varamedlemmane for desse er:

vararepresentant teknisk/administrativ: Cecilie Røeggen
1. vararepresentant fagleg/vitskapleg: Karen Brænne
2. vararepresentant fagleg/vitskapleg: Randi Myklebust
3. vararepresentant fagleg/vitskapleg: Stein Conradsen

Frå 1. august er det også ny rektor Odd Helge Mjellem Tonheim som skal vere styreleiar i Høgskulestyret, og ny prorektor Eirik Søvik som skal vere vararepresentant for styreleiaren.

I løpet av september/oktober 2023 skal studentane ved HVO velje fram to studentrepresentantar. Studentane Irmelin Johanne Angell Losvik og Mats Ekeberg sit fram til nye representantar er valde.

Les meir om Høgskulestyret her!