Alliansen fekk nei – Høgskulen i tenkeboksen
Kunnskapsdepartementet har sagt nei til høgskulealliansen. Dette fekk Høgskulen i Volda og dei to alliansepartnarane Høgskolen i Molde og Høgskolen i Lillehammer beskjed om i brev frå Kunnskapsminister Torbjørn Røe Isaksen måndag 1. februar.
Rektor Johann Roppen ved Høgskulen i Volda er overraska over at Kunnskapsdepartementet ikkje har sett potensialet i eit friviljug samarbeid mellom tre gode høgskular. - Vi må no drøfte situasjonen grundig i leiinga og i høgskulestyret, både for å vurdere brevet og det vidare arbeidet i strukturprosessen, seier Roppen. – Eg er sikker på at vi vil finne gode løysingar for Høgskulen i Volda i det nye høgskulelandskapet, seier Roppen.
Dei tilsette på Høgskulen i Volda er inviterte til allmøte onsdag 10. februar kl 14.15 der status i strukturprosessen vil bli drøfta. Neste ordinære styremøte ved Høgskulen i Volda er 10. mars.
