Utdanningsdagane 2024

Høgskulen i Volda inviterer til Utdanningsdagane 30. - 31. oktober 2024.

Utdanningsdagane skal bidra til å gi deg informasjon og innsikt til å ta gode val av utdanning og yrke, i tillegg til å gi deg eit innblikk i kvardagen som student.

Du melder deg på Utdanningsdagane digitalt. Du får i etterkant tilsendt din eigen timeplan for dagen. Alle førelesingar/aktivitetar vil innehalde ein smakebit av ei reell undervisning i dei utdanningane du har valt.

Dagen startar med ei felles opning der det blir gitt generell informasjon om Høgskulen i Volda, korleis det er å vere student, samt informasjon om internasjonalisering og utveksling.