Semesters

HI100N Historisk innføringsemne

Course code: 
HI100N
Duration: 
1 semester
Credits (ECTS): 
15
Level of study: 
Foundation level (bachelor’s degree level)
Teaching semester: 
2026 Spring
Assessment semester: 
2026 Spring
Language of instruction: 
Norwegian
Required prerequisite knowledge

Minimum 30 studiepoeng i historie grunnemne: Enten HI111N og HI112N eller HI112N og HI113N eller HI111N og HI113N.

Course content

Emnet skal gje studentane innføring i sentrale spørsmål og arbeidsmåtar i historiefaget som eit humanistisk og samfunnsvitskapleg fag. Det inviterer til refleksjon omkring vitskaplege grunnlagsproblem og tar opp tilhøvet historiefaget og samfunnet.

Emnet er delt i to deler, ein teoridel på om lag 5 studiepoeng og ein oppgåvedel på om lag 10 studiepoeng. Formålet med oppgåvedelen av emnet er å gje studentene høve til å fordjupe seg i eitt tema (område) i norsk og / eller internasjonal historie, ved å skrive ei større fagleg oppgåve (kalla fordjupningsoppgåve) der bruken av kjelder, metode og / eller historiografi blir særleg vektlagt. Gjennom skriveprosessen skal studentene øve opp kritisk haldning til kjelder og litteratur, evne til å utvikle ei problemstilling, evne til å gjere greie for hovuddelane av det valde emnet for fordjupingsoppgåva og diskutere argument for og mot ein påstand knytt til det.

Instituttet gjev kvart år rettleiing i minst eitt temaområde frå norsk og/eller internasjonal historie. Studenten skal sjølv velje hovudproblemstilling for fordjupingsoppgåva som skal skrivast innanfor dette temaområdet. Problemstillinga skal godkjennast av rettleiar. Studenten skal i samråd med rettleiar finne fram til relevant støttelitteratur på kring 500 sider for det temaet og den problemstillinga ho/han har valt for fordjupingsoppgåva.

Teoridelen gjev ei grunnleggjande innføring historisk metode og teori og i historiefaget si utvikling som humanistisk og samfunnsvitskapleg fag frå antikken og fram til i dag. Det blir lagt opp eit felles pensum, sjå pensumliste. 

Learning outcome

I samsvar med det nasjonale kvalifikasjonsrammeverket har studenten følgjande læringsutbytte etter fullført emne:

Learning outcome knowledge

Studenter:

  • har utvida kunnskap og innsikt i eit meir avgrensa område eller tema i norsk og/eller internasjonal historie
  • har kunnskaper om historisk metode og teori
  • har kunnskap om hovudtrekk i utviklinga til historiefaget og humaniora sidan antikken
  • har grunnleggande kunnskap om sentrale vitskapsteoretiske problemstillingar innanfor historiefaget og humaniora
Learning outcome skills

Studenter: 

  • kan tileigne seg, ordne og systematisere kunnskap på logisk konsekvent vis for å svare på ei historisk problemstilling
  • kan skrive fagtekstar av eit visst omfang på eiga hand og innafor gjevne tidsrammer
  • kan bruke historiske kjelder på ein kritisk og reflektert måte i samband med skriving av fagtekstar
  • kan analysere sakskompleks knytt til eit avgrensa område eller tema i norsk og/eller internasjonal historie ved bruk av relevant historisk metode
  • kan plassere eit historisk tema frå/eller internasjonal historie i ein historiografisk samanheng i samband med skriving av fagtekstar 
  • kan formidle kunnskap om emneinnhaldet til fagmiljø og eventuelt eit allment publikum, td gjennom digital medium 
  • kan reflektere over eige fagleg arbeid og justere dette under rettleiing
  • kan sjå framveksten av eit vitskapsfelt som ledd i ei større historisk utvikling
Learning outcome qualification

Studenter:

  • kan sette seg inn i nye problemområde og analysere saker frå fleire sider
  • kan handtere informasjonsmengder av eit visst omfang, og ordne og systematisere kunnskap på logisk konsekvent vis
  • kan historiske kjelder på ein kritisk måte
  • kan dokumentere skriftlege arbeid i samsvar med generelt vedtekne krav innafor høgare utdanning
Working and learning activities

Emnet er organisert slik at studentane både får undervisning i dei aktuelle temaområda knytta til oppgåvedelen, og undervisning i teoridelen av emnet. Undervisning skjer i det digtale læringssystemet som Høgskulen i Volda brukar.

All innlevering av oppgåveutkast mm (sjå Vilkår for å framstille seg til eksamen nedanfor) skjer i det digitale læringssystemet Høgskulen i Volda brukar. Det er derfor ein føresetnad for å kunne studere historie ved Høgskulen i Volda at studentene er kjend med elementært internettbruk – navigering i nettlesar, bruk av diskusjonsforum, opp- og nedlasting av filer. Det vert lagt ut rettleiingar på nettet.

Assessment requirements

Studentane skal gjennomføre følgjande arbeidskrav:

Oppgåvedelen (tilsvarar om lag 10 stp)

  • Levere eit utkast til temautgreiing og problemstilling til godkjenning av faglærar. Slik godkjenning er nødvendig for at studentene skal kunne gå videre på emnet. I tilfelle det første framlegget blir underkjent, får studentene høve til å levere ein ny versjon.
  • Levere eit utkast til temaoppgåve med kjelde- og litteraturliste til godkjenning av faglærar. Utkastet skal ha et omfang på 2500-3000 ord utanom framside, samt innhalds- og kjelde-/litteraturliste. Slik godkjenning er nødvendig for at studentene skal kunne gå videre på emnet. I tilfelle det første framlegget blir underkjent, får studentene høve til å levere ein ny versjon.
  • Levere eit tilnærma ferdig utkast til temaoppgåve til godkjenning av faglærar. Utkastet skal ha eit omfang på 3000-5000 ord utanom framside, samt innhalds- og kjelde-/litteraturliste. Slik godkjenning er nødvendig for at studentene skal kunne gå videre på emnet. I tilfelle det første framlegget blir underkjent, får studentene høve til å levere ein ny versjon.

Teroridelen (tilsvarar om lag 5 stp.)

  • Presentere eit tema knytt til teoridelen av emnet, i samsvar med plan og instruks oppsett frå instituttet. 

Studentar som ikkje får godkjent på arbeidskrava, får ein ny sjanse innan ein kort frist.

Detaljane i arbeidskrava - nærare formkrav og framdriftsplan, forklaring og døme på dei ulike prøvetypane – vert presiserte i eit eige skriv og lagt ut i Canvas.

Alle arbeidskrav må vere godkjende for at studentene skal kunne gå opp til eksamen. Arbeidskrava og eksamen må gjennomførast i same semester. Alle arbeidskrav skal gjennomførast som sjølvstendig arbeid.

Evaluation system

Sensur blir gjennomført i samsvar med Forskrift om opptak, studium og eksamen ved Høgskulen i Volda § 9-4.

Evaluation

Emnet vert evaluert i samsvar med HVO sitt kvalitetssystem.

Minimum number of students: 
8
Maximum number of students: 
150
Person in charge: 
Åsmund Svendsen
Used in other programs
  • History - yearcourse (netbased, part time)
VurderingsformGrupperingVarighetKarakterskalaAndelKommentarHjelpemidlerOmfang
Portfolio
Individual
1 Semester
A-F, A is the best grade and E is the lowest passing grade
Mappa skal innehalde den ferdige oppgåva og presentasjonen av tema frå teoridelen av emnet. Eksamensmappa skal leverast elektronisk. Fyldig informasjon om gjennomføring av eksamenane vert lagt ut i Canvas i god tid før eksamen.
Eksamen vert gjennomført i tråd med retningslinjene for eksamen ved HVO og i samsvar med instruks frå Historisk institutt.
Oppgåva skal ha eit omfang på 3000-5000 ord.
Adjusting oral examination
Individual
30 Minutes
A-F, A is the best grade and E is the lowest passing grade
100
Munnleg eksamen justerer og fastset den endelege karakteren. Under munnlege eksamen skal studentane kunna gjere greie både for fordjupingsoppgåva og pensumet som er lagt opp i tilknyting til denne oppgåva, i tillegg til pensumet i teoridelen av emnet.
Eksamen vert gjennomført i tråd med retningslinjene for eksamen ved HVO og i samsvar med instruks frå Historisk institutt.
Approval signature: 
Randi Bergem 23.02.2023