IKF105 Ernæring og fysisk aktivitet
Ingen.
Fysisk aktivitet og ernæring er sentralt i både idrett, daglegliv og i arbeid for å fremje folkehelse. Ved fullføring av emnet skal studenten kunne gjere greie for kosthald og ernæring i forhold til fysisk aktivitet, idrettsprestasjon, helse og vekt, samt trivsel knytt til mat. Studentane skal gjennom emnet tileigne seg teoretisk og praktisk kunnskap.
Dette er eit obligatorisk emne i bachelor idrett og kroppsøving. Emnet kan også takast som eit frittståande studium.
Innhald
- Funksjon, omsetnad, behov og utnytting av næringsstoff
- Nasjonale anbefalingar for inntak av dei ulike næringsstoffa og kosttilskot
- Kosthaldsinformasjon
- Idrettsernæring
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten:
- kan gjere greie for og vurdere matvarer sitt innhald av næringsstoff
- kan gjere greie for bakgrunn og innhald i dei nasjonale kostanbefalingane
- kan gjere greie for kosthald/næring og væskeinntak knytt til fysisk aktivitet og trening
- kan planlegge og vurdere kosthald knytt til fysisk aktivitet og trening i ulike grupper av befolkninga
Studenten:
- kan registrere, berekne og vurdere næringsinnhaldet i ulike måltid
- kan sette opp kosthaldsplan
Studenten:
- kan sjølvstendig analysere, vurdere og planlegge kosthald for ulike individ knytt til fysisk aktivitet, idrettsprestasjon og god helse.
Canvas er læringsplattforma. Emnet er eit nettstudium. Emnet har både teoretisk og praktisk tilnærming til fagområda. Det blir gitt innspelt undervisning til kvar modul i Canvas. Det er derfor ingen faste eller obligatoriske samlingspunkt og er såleis eit fleksibelt emne som passar godt for dei som ynskjer å kombinere jobb og studiar. Studiet er organisert i tre modular, med eitt individuelt arbeidskrav knytt til kvar modul. Modulane må vere godkjende innan gitte tidsfristar før ein kan gå vidare til neste modul.
Modul 1: Grunnleggande ernæringslære
Modul 2: Helse og ernæring
Modul 3: Idrett og ernæring
Arbeidskrav:
Følgjande arbeidskrav skal gjennomførast:
- Modul 1: Fleirsvarsoppgåve i Canvas
- Modul 2: Lage individuelt eit 5 min. fagleg innlegg knytt til tema i pensum. Innlegget skal filmast og leverast i Canvas.
- Modul 3: Studenten skal levere ei skriftleg oppgåve i Canvas med tema knytt til pensum (omlag 1500 ord).
Sensur vert gjennomført i samsvar med Forskrift om opptak, studium og eksamen ved Høgskulen i Volda § 9-4.
- Physical Education - bachelor
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Home exam | Individual | 24 Hours | A-F, A is the best grade and E is the lowest passing grade | 100 | Alle | 2500 ord |