Semesters

MGL1-7PR3 Praksis 3, 30 dagar

Course code: 
MGL1-7PR3
Duration: 
2 semesters
Credits (ECTS): 
0
Level of study: 
Foundation level (bachelor’s degree level)
Teaching semester: 
2022 Autumn
2023 Spring
Assessment semester: 
2023 Spring
Language of instruction: 
Norwegian
Required prerequisite courses
MGL1-7PR2 Teaching practice 2, 25 days
Course content

Praksis 3 er på 30 dagar og er fordelt på tre praksisperioder; 15 dagar i haustsemesteret og 10 dagar i vårsemesteret er i skulen og 5 dagar i vårsemesteret er i barnehage. 

Hovudtema for praksis tredje studieår er: 

  • Elevmangfald 
  • Skulen som organisasjon 
  • Overgang frå barnehage til skule og frå barnesteg til ungdomssteg. 
Learning outcome

I samsvar med det nasjonale kvalifikasjonsrammeverket har studenten følgjande læringsutbytte etter fullført emne:

Learning outcome knowledge

Studenten har kunnskap om:  

  • Kontaktlærarrolla
  • Det heilskaplege opplæringsløpet, med vekt på overgang frå barnehage til skule, og frå barnesteg til ungdomssteg 
  • Arbeidsmåtar og vurdering som fremmer  inkluderande klasse- og læringsmiljø 
  • Kulturelt, språkleg, religiøst og sosialt mangfald 
  • Skulen som organisasjon 
Learning outcome skills

Studenten kan: 

  • Vurdere  relevante læremiddel, ressursar og digitale verktøy som blir brukt i opplæringa for å fremme  elevane si digitale kompetanse 
  • Drøfte undervisning og  læring på bakgrunn av profesjonsetiske perspektiv 
  • Identifisere og drøfte tiltak mot mobbing og trakassering for å bidra til positiv utvikling av skulen sitt læringsmiljø 
Learning outcome qualification

Studenten:  

  • Kan engasjere seg i skulen sitt internasjonale og fleirkulturelle arbeid 
  • Kan samhandle med elevar, føresette, kollegaer og andre interne og eksterne aktørar 
  • Har utvikla eigen læraridentitet, kommunikasjons- og relasjonskompetanse 
  • Kan delta aktivt i rettleiing i praksis og bidra med å analysere og vurdere relevante faglege og profesjonsetiske problemstillingar 
  • Har endrings- og utviklingskompetanse som bidreg  til samarbeid om fagleg og pedagogisk nytenking i skulen 
Working and learning activities

Felles for alle studieår: 

Studentane vert delte i grupper på to til fire studentar og vil vere på ein praksisskule/barnehage. Kvar gruppe får rettleiing frå praksislærar og faglærar ved høgskulen, og praksislærar gir dagleg før- og etterrettleiing. Studentane samarbeider om planlegging, gjennomføring og vurdering av undervisning, og fyller ut planlegging- og rettleiingsskjema til timar dei har hovudansvar for. Det er forventa at studentane er aktive i observasjon og rettleiing, også der dei sjølve ikkje har hovudansvar for undervisninga. Det blir nytta digitale rettleiingsverktøy i praksis. 

I samband med praksis vert det organisert obligatoriske møte der studentar, praksislærarar og faglærarar ved høgskulen får høve til å møtast for samarbeid om planlegging av praksis og for felles refleksjon etter praksis. 

Tredje studieår: 

Studentane skal i praksis i 3. studieår få undervisningsansvar for lengre sekvensar, som til dømes å følgje same faget fleire timar etter kvarandre eller å ha ansvaret for all undervisning heile dagar. Omsynet til elevmangfaldet tyder at studentane skal få erfaringar med å differensiere undervisninga, og få kunne møte elevar med ulike føresetnader på deira premissar. Det føreset også ein bevisst og målretta vurderingspraksis. Å skape gode relasjonar til elevane er ei anna side ved praksisen dette året. For å kunne lukkast med det, er det nødvendig at studentane skaffar seg kunnskapar om elevane. Det skal skje dels ved at studentane får del i dei kartleggings-prosessane og den kunnskapen skulen sit med om elevane, og dels skal det skje gjennom observasjonar og analysar av fagleg arbeid som elevane gjer, og gjennom elevsamtalar. 

Før barnehagepraksisen er det obligatorisk seminar på høgskulen knytt til praksisen. 

Vurdering:

Praksislærar har hovudansvar og gjer vurderinga i samråd med faglærar ved høgskulen og rektor ved praksisskulen. 
Studentane får: 

  • Skriftleg midtvegsvurdering etter haustpraksis. 
  • Skriftleg sluttvurdering etter vårpraksis med karakteren stått/ikkje stått. 

Rutiner for ikkje stått: 

  • Praksislærar nytter eige varselskjema ved fare for ikkje stått. 
  • Ved ikkje stått får studenten tilbod om å gjennomføre ny praksis på 10 dagar. 
  • Ved ikkje stått på andre forsøk må studenten normalt avbryte studiet
Assessment requirements

Det er obligatorisk frammøte til all førebuing, gjennomføring og etterarbeid til praksis. Alt fråver i praksis må takast att. Manglande deltaking på førebuing og etterarbeid vil kunne føre til krav om kompensatorisk arbeid.  

I tillegg skal studentane: 

  • Levere signert midtvegs- og sluttvurdering i Canvas 
  • Gjennomføre og få godkjent arbeidskrav knytt til praksis. 

Sjå elles §4-7 i Forskrift om opptak, studium og eksamen ved Høgskulen i Volda. 

Evaluation system

Sensur vert gjennomført i samsvar med Forskrift om opptak, studium og eksamen ved Høgskulen i Volda, § 5-11 

Evaluation

Emnet vert evaluert i samsvar med HVO sitt kvalitetssystem. 

Minimum number of students: 
1
Maximum number of students: 
50
Person in charge: 
Ivar Hagen
Used in other programs
  • Primary and Lower Secondary Teacher Education for Years 1-7 - master (5 years)
VurderingsformGrupperingVarighetKarakterskalaAndelKommentarHjelpemidlerOmfang
Praksis
Pass / fail
Approval signature: 
Arne Myklebust