NO322 Norsk som andrespråk og fleirkulturell pedagogikk 2
NO321 Norsk som andrespråk og fleirkulturell pedagogikk 1
Emnet er andre del av studiet Norsk som andrespråk og fleirkulturell pedagogikk. Emnet er konsentrert om temaa norsk i eit kontrastivt perspektiv, utvikling av munnlege og skriftlege ferdigheiter i eit andrespråksperspektiv, mangfaldsperspektiver på oppvekst og læring, antirasisme og bruk av lærebøker og barne- og ungdomslitteratur i ein fleirkulturell skule og barnehage. Det faglege innhaldet skal gje eit teoretisk og didaktisk grunnlag for å kunne bidra til realiseringa av ein antirasistisk, fleirkulturell skule og barnehage.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten skal ha:
- avansert kunnskap om norsk i eit andrespråksperspektiv, andrespråkslæring og andrespråksundervisning
- inngåande kunnskap om utvikling av munnleg kompetanse i eit andrespråksperspektiv
- grundig kunnskap om skriveforsking og utvikling av skriftlege ferdigheiter i eit andrespråksperspektiv
- brei kunnskap om samanhengar mellom kulturelt mangfald, identitetsdanning, læring og utvikling i ein fleirkulturell utdanningskontekst
- inngåande kunnskap om korleis ein kan utvikle eit antirasistisk læringsmiljø
- avansert kunnskap om bruk av litteratur/læremiddel/pedagogiske opplegg i ein antirasistisk, fleirspråkleg og fleirkulturell skule/barnehage
Studenten skal kunne:
- utvikle læringsmiljøet i barnehage og skule på måtar som er tilpassa språkleg og kulturelt mangfald
- meistre andrespråksdidaktikk for tilpassa munnleg og skriftleg opplæring
- nytte språkleg og kulturell kunnskap som ressurs for alle born, unge og vaksne i eit læringsmiljø
- førebygge og avdekke rasisme og arbeide fram relevante tiltak for å hindre fordommar, diskriminering og rasisme
- analysere og kritisk vurdere litteratur, læreverk og pedagogiske opplegg i eit andrespråks- og fleirkulturelt perspektiv
- uttrykkje seg godt på norsk i både munnlege og skriftlege faglege framleggingar
Studenten kan:
- engasjere seg i og initiere utviklinga av antirasistisk og tilpassa opplæring i fleirspråklege og fleirkulturelle læringsmiljø
Undervisninga er fordelt på fem samlingar, som kvar gong går over to heile dagar. Arbeidsformene vil variere mellom plenumsundervising, analyse og drøfting av faglitteratur og døme frå praksisfeltet, studentseminar, gruppearbeid og fagskriving. Studentane må ha tilgang til, og kunne gjere seg nytte av IKT-verkty.
- Obligatorisk frammøte på samlingane, med krav om 70 prosent frammøte/deltaking
- Ein munnleg og digital presentasjon i gruppe
- Eit didaktisk opplegg med munnleg og skriftleg presentasjon, 1000 – 1200 ord
- Deltaking i alle seminara knytt til arbeidskrav
For å kunne gå opp til eksamen i emnet er det ein føresetnad at alle arbeidskrav er fullførte og godkjende. Det er faglærarane som godkjenner arbeidskrava. Studentar som har fått "ikkje godkjend" på eit arbeidskrav, kan få eitt nytt forsøk, jf. Forskrift om opptak, studium og eksamen ved Høgskulen i Volda, § 4-7. Det er krav om 70 prosent frammøte til obligatorisk undervising, jf. Forskrift om opptak, studium og eksamen ved Høgskulen i Volda, § 4-6.
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 5-11
- Norwegian as a second language and multicultural pedagogy
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Oral examination | Individual | 30 Minutes | A-F, A is the best grade and E is the lowest passing grade |