PPU-DID1SA Didaktikk 1 Samfunnsfag
Ingen.
Emnet er ein del av Praktisk- pedagogisk utdanning for allmenne fag, og må sjåast i samanheng med pedagogikk og praksis. Dei to emna i fagdidaktikk inngår som ein heilskapleg del av studiet Praktisk-pedagogisk utdanning for allmenne fag. Gjennom tverrfaglege modular i undervisningsplanen vert det synleggjort korleis emna i fagdidaktikk, pedagogikk og praksis samarbeider. Det første emnet i didaktikk er, saman med dei første emna i pedagogikk og praksis organisert rundt fire modular.
Emnet skal, saman med det andre fagdidaktikkemnet, gje kunnskap om eigne undervisningsfag sin plass i skulen, utbreiing, progresjon og grunngjeving. Emnet skal gje innsikt i korleis relevant forsking kan bidra til formidling og tilrettelegging for læring i aktuelle fag. Gjennom fagdidaktikkundervisninga skal studenten få kunnskap om, og innsikt i eit breitt spekter av undervisningsstrategiar, læremiddel og arbeidsmetodar i aktuelle fag.
Ein del av undervisninga i emnet vert gitt under overskrifta "Felles fagdidaktikk", medan i andre delar av undervisninga vil studenten vere i eigne undervisningsgrupper i dei ulike undervisningsfaga studenten har undervisningskompetanse i. Detaljar rundt dette vil gå fram av "Praksis og samlingsruta", og undervisningsplanar for dei ulike faga.
Studentar med undervisningskompetanse i berre eitt undervisningsfag skal spesialisere seg i fagdidaktikken for dette faget, gjennom deltaking i undervisning, rettleiing, litteraturstudie og oppgåveskriving. Studentar med undervisningskompetanse i fleire fag skal i så stor grad som mogleg utvikle kunnskapar og ferdigheiter i begge faga. Sjå under arbeidskrav for korleis dette vert gjort.
I samsvar med det nasjonale kvalifikasjonsrammeverket skal studenten ha følgjande læringsutbytte etter fullført emne:
Studenten skal utvikle kunnskap om:
- fagleg danning og utdanning i eit samfunn basert på demokrati, berekraftig utvikling, mangfald, likestilling og likeverd.
- barn og unge si utvikling, motivasjon, læring og sosialisering med utgangspunkt i samfunnsfaga.
- samanheng mellom individuelle, sosiale, kulturelle og fagspesifikke tilhøve i arbeidet med tilpassa opplæring.
- aktuelle undervisningsfag sin plass, grunngjeving og progresjon i skulen.
- undervisnings-, arbeids- og vurderingsformer generelt og fagspesifikt.
- korleis praktiske, digitale, skapande og estetiske læreprosessar kan påverke helse, trivsel og læring.
- samfunnsfaget og identitetsutvikling
- etiske dilemma i samfunnsfagundervisning
Studenten skal få øving i å:
- analysere og drøfte utfordringar i læreplan og øvrige styringsdokument knytt til samfunnsfag sin plass i skulen.
- planlegge, gjennomføre, vurdere og grunngje undervisning i samfunnsfag, tufta på mål for opplæringa, lokale og individuelle behov.
- bruke ulike metodar i undervisninga, og tilpasse opplæringa i faget slik at den tek omsyn til eleven sitt ulike læringstempo, interesse for faget og evne til kritisk tenking.
- bruke og vurdere kritisk sentrale digitale ressursar for samfunnsfag.
- gje undervegs- og sluttvurdering, informere om elevane sitt faglege nivå og utvikling, og gje faglege vurderingsgrunngjevingar.
- leie og motivere elevar i fagleg arbeid og skape eit trygt og inkluderande læringsmiljø for alle elevar.
- planlegge forskingsbaserte endrings- og utviklingsprosessar knytt til samfunnsfag.
Kandidaten skal kunne
- utøve ei autonom og profesjonsetisk haldning i møte med alle elevar og kollegaer, og kan fremje dialog, toleranse og respekt.
- orientere seg i faglitteratur, sette opp relevante problemstillingar, undersøke og drøfte desse kritisk og utvikle sin eigen faglege praksis.
Undervisning vil bli gitt på to ulike nivå: i plenum ("Felles fagdidaktikk"), og i gruppe i aktuelle fag. Studenten vil få arbeidskrav tilpassa fagbakgrunn, og med tilbod om individuell rettleiing.
Frammøtekrav:
Det er obligatorisk oppmøte til undervisning og andre læringsaktivitetar. Les om frammøtekrav i forskrifta om opptak, studium og eksamen ved Høgskulen i Volda: http://lovdata.no/forskrift/2014-12-04-1697/%C2%A74-6
Arbeidskrav:
Presiseringar av arbeidskrava vert gitt ved studiestart.
Del A) Levere eit arbeid tilsvarande ca 2000 ord (ca. fem sider), knytt til undervisning og aktuelle fagdidaktiske problemstillingar.
Del B) Alternativ 1 er for studentar med berre eitt undervisningsfag (berre primærfag). Alternativ 2 er for studentar med to undervisningsfag (både primærfag og sekundærfag).
Alternativ 1: Godkjent skisse for praksisretta prosjekt, også med førebels litteraturliste.
Alternativ 2: Godkjent deltaking i obligatoriske aktivitetar og undervisning i sekundærfag.
- Professional Teacher Qualification
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Home exam | Individual | 3 Days | A-F, A is the best grade and E is the lowest passing grade | Eksamen består av to delar, del A og del B. Del A er grunnlag for karaktersetjing i pedagogikk, og del B er grunnlag for karaktersetjing i didaktikk. Ved kontinuasjon i berre eine emnet vil eksamenstid vere 2 dagar, og omfang tilsvarande om lag 2000 ord. | Tilsvarande inntil 4000 ord |