Semesters
PPU-DID2SA Didaktikk 2 Samfunnsfag
Gjennomført obligatoriske undervisnings- og læringsaktivitetar i PPU-DID1SA.
Eleven si læring i samfunnsfaga er hovudtema i emnet. Arbeid med å variere og analysere elevar sitt læringsarbeid i fagområdet, og å tilpasse undervisning for ulike elevgrupper, står sentralt. Emnet vektlegg arbeid med tverrfaglege tema, kjerneelement og grunnleggande ferdigheiter i samfunnsfaga, og skal bidra til å fremje evne til kontinuerleg utvikling av lærarrolla i samfunnsfag.
I samsvar med det nasjonale kvalifikasjonsrammeverket skal studenten ha følgjande læringsutbytte etter fullført emne:
Studenten har:
- Kunnskap om barne- og ungdomskultur, og om samfunnsfagleg læring i ulike sosiale og fleirkulturelle kontekstar
- Brei kunnskap om læringsstrategiar, læringsarenaer, arbeidsmetodar og tilpassa opplæring i faget
- Kunnskap om samfunnsfagleg danning og utdanning i eit samfunn basert på demokrati, berekraftig utvikling og mangfald, likestilling og likeverd
Studenten kan:
- bruke varierte metodar, differensiere og tilpasse opplæringa i samfunnsfaget slik at den tek omsyn til elevmangfald og evne til kritisk tenking
- legge til rette for tverrfagleg samarbeid og læringsarbeid med andre fagområde
- Kritisk vurdere og utvikle læringsressursar, inkludert digitale, som er sentrale for samfunnsfaga
- gje undervegs- og sluttvurdering, kommunisere elevane sitt faglege nivå og utvikling, og gje læringsfremjande vurderingsgrunngjevingar
Studenten kan:
- ta ansvar for fagleg samarbeid med aktørar relevante for samfunnsfagundervisning, og fremje forskingsbasert utviklingsarbeid for nyskaping i opplæringa
- formidle fagdidaktiske problemstillingar på eit avansert nivå, og kritisk reflektere over profesjonsetiske spørsmål
Undervisninga vert gitt på to ulike nivå: i felles fagdidaktikk (i plenum), og i gruppe i samfunnsfagdidaktikk (spesifikk fagdidaktikk). Studenten vil få arbeidskrav tilpassa eigen fagbakgrunn, og med tilbod om individuell rettleiing.
Bestått PPU-DID1SA.
Frammøtekrav:
Det er obligatorisk frammøte til undervisning og andre læringsaktivitetar knytt til emnet. Les om frammøtekrav i Forskrift om opptak, studium og eksamen ved Høgskulen i Volda.
Frammøtekrav gjeld undervisninga både i spesifikk fagdidaktikk og felles fagdidaktikk.
Arbeidskrav:
Presiseringar av arbeidskrava vert gitt ved studiestart.
Del A) Alle studentar skal levere to didaktiske arbeid i primærfaget.
Del B) Alternativ 1 er for studentar med berre eitt undervisningsfag (berre primærfag). Alternativ 2 er for studentar med to undervisningsfag (både primærfag og sekundærfag)
Alternativ 1 (eittfaglege): Gjennomføre to didaktiske fordjupingsarbeid knytt til faglærarrolla i primærfaget. Arbeidsmengda på dei to arbeida skal totalt tilsvare arbeidsmengde for alternativ 2.
Alternativ 2 (tofaglege): Godkjent 80% deltaking i obligatoriske aktivitetar og undervisning i sekundærfag tildelt gjennom opptaket. Gjennomføre eitt godkjent fagdidaktisk arbeid som viser didaktisk grunnkompetanse i sekundært fag. Det sekundære faget har ansvar for arbeidskravet, men arbeidskravet skal inngå i eksamensmappe i emnet studenten er meldt opp i (primærfag).
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 9-4.
- Professional Teacher Qualification
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Portfolio | Individual | A-F, A is the best grade and E is the lowest passing grade |