Det er ein tett og gjensidig samanheng mellom læring og utvikling. Det vert lagt vekt på vilkår og tiltak for læring og utvikling, men med ei særleg merksemd retta mot kognitive utfordringar. Emnet kastar lys over samspelet mellom læring og utvikling ved å sjå på ulike individuelle, relasjonelle og systemiske faktorar som kan påverke vilkåra for læring og utvikling hos barn og elever. Gjennomgåande i emnet vil det vere fokus på å forstå variasjon i barn og elever si kognitive utvikling og læring. Emnet vil også omhandle spesialpedagogen sin rolle som rettleiar og rådgjevar både internt og eksternt i barnehage og skule. Målsettinga er å sikre god samanheng mellom det spesialpedagogiske og det ordinære tilbodet for barn og elevar med kognitive vanskar.