Samfunnet er i kontinuerleg endring og utvikling, og når samfunnet endrar seg får skulen og barnehagen nye oppgåver. Målet for digital utvikling er å gjere skulen og barnehagen betre for barn og unge. Emnet gir skule- og barnehageleiarar, lærarar, IKT-ansvarlege og andre som har sitt daglege virke i skule- og barnehageorganisasjonar nye verkty for å løyse utfordringar med digitalisering. Fokus er på analyse av den digitale nåsituasjon i eigen organisasjon, på tiltak og vurdering av desse i ein handlingsplan, og på bruk av arbeidsmåtar og digitale verktøy for leiarar i eit breiare samfunns- og utviklingsperspektiv. Profesjonsfagleg digital kompetanse (PfDK) vil vere overordna fokus i alle emna som blir tilbode. Første samling vil ha fokus på PfDK i emna i vår.