Studieprogrammet er retta mot offentleg sektor, og mot leiarar, tilsette, folkevalde, journalistar og andre som ønskjer kompetanse og innsikt i økonomisk styring av kommunar. Studiet er frittståande, men kan etter søknad inngå som valfri del av bachelorstudiet i planlegging og administrasjon. I kombinasjon med andre emne i bachelorstudiet er kommunal økonomi med på å komplettere ei utdanning som kan forsyne norsk offentleg forvaltning med allsidig utdanna sakshandsamarar, planleggjarar og leiarar.