Nynorsksenteret gir nynorskbok til barnehagar og skular
Lesegranskingar syner at born treng å møte meir nynorsk i kvardagen, slik at dei vert trygge og gode språkbrukarar. På torsdag lanserer difor Nynorsksenteret boka Les for meg!, ein antologi som skal gje norske born eit møte med dei gode, moderne nynorske tekstane. I vår kjem barneskulane og barnehagane i heile landet til å få kvart sitt eksemplar av antologien i gåve frå Nynorsksenteret.
 | - Antologien er tenkt som ein døropnar inn i det rike skattkammeret som den nynorske barnelitteraturen er, og han høver godt til høgtlesing for dei eldste i barnehagen og dei ynste på barneskulen, melder Nynorsksenteret. |
- Høgtlesing er både fantasi- og språkstimulerande, og det gjev grunnlag for gode samtalar med borna. Det ser ut til at mange barnehagar og førsteklassar manglar nynorske bøker til slike føremål, og difor har Nynorsksenteret samarbeidd med Det Norske Samlaget om denne antologien, fortel Anne Steinsvik Nordal, leiar for Nynorsksenteret.
Meir informasjon om antologien: http://www.nynorsksenteret.no/lesformeg/
