Samfunnsfag

Sist fredag forsvarte Jarle Pedersen doktoravhandlinga " Kamper for anerkjennelse - unge flyktninger i møte med norske lokalsamfunn". Han har dei siste åra vore stipendiat ved Institutt for sosialfag, og er nylig tilsett som 1. amenuensis ved samme institutt, der han skal undervise i fleirkulturelt arbeid.

Måndag 18. februar starta journaliststudentane ved høgskulen åtte veker internpraksis. Dei to første vekene står nettpublisering på programmet for alle radio-, fjernsyns- og avisstudentane. Stian Fjelldal frå Nettavisen er alt på plass i nettredaksjonen for å vurdera arbeidet deira.

”Åndene og ånden” er ei bok som reflekterer rundt møtet mellom afrikansk tradisjonell religion og kristen livsforståing. Forfattar Ottar Berge, cand. theol., tidlegare prest og amanuensis i kyrkjefag ved Høgskulen i Volda, er for tida tilknytt Institutt for religion, livssyn og kyrkjefag.

Idéhistorikaren Anne Veiteberg gjestar onsdag 23/1 Høgskulen i Volda med temaet: “Kultur- og religionsdialog mellom kristne og muslimar. Kvifor er det naudsynt?” Veiteberg har lenge vore oppteken av religionsdialog og global forståing, og ho har arbeidt fleire år i Latin-Amerika og i Midt-Austen.

Avdeling for Samfunnsfag og historie satsar friskt til våren med nok ei runde med studiet FRIOFF- leiing i samspel mellom frivilleg og offentleg. – Til våren vil vi starte opp med to ulike emne på 15 studiepoeng kvar, seier Magnar Hjertenæs, instituttleiar ved Institutt for planlegging og administrasjon. Søknadsfristen er utvida til 7. januar.

Til våren startar Avdeling for samfunnsfag og historie opp med masteremnet: ”Kriminalitetsforebygging”. Studiet er delt inn i to temablokker og er organisert med tre vekesamlingar der eine veka er ei reise til Swansea, Wales.

På torsdag, (22 november), var rundt femti deltakarar samla til seminaret: Aktiv omsorg- kunnskapsgrunnlag og kunnskapsbehov. Foredragshaldarane Tor Johan Eikeland, Marit Botnen og Jan Inge Sørbø innleia til dialog om Stortingsmelding nr. 25- Framtidas omsorgsutfordringar.

"Ei båtlengd føre" er slagordet til Herøy kommune, og det passar godt til studentane frå mastermodulen Regional planlegging og utvikling og frå bachelorutdanninga i planlegging og administrasjon då dei var på ekskursjon til den ambisiøse kommunen.

Tor-Johan Ekeland og Kåre Heggen frå Høgskulen i Volda er redaktørane bak den nye læreboka ”Meistring og myndiggjering. Reform eller retorikk?” Fleire av fagpersonane ved Avdeling for samfunnsfag og historie som er knytt til mastergradsutdanninga har vore sentrale i arbeidet med boka.

Førstelektor Asbjørn Simonnes og tidlegare undervisningsleiar ved medieutdanninga i Volda, Gudmund Gjelsten har ført i pennen Fagbokforlaget si lærebok ”Skole og media.” - Vi stiller spørsmålet om korleis verdidualismen i media utviklar identiteten og karakteren til unge, og opnar for at større fokus på mellommenneskeleg kommunikasjon er viktig når ein lærer å bruke media.