Saman for omsorg for barn
Denne veka arrangerer Høgskulen i Volda det såkalla SOM-seminaret. Målet er å bli betre på å oppdage og følge opp barn som er utsette for omsorgssvikt.
SOM-seminaret er eit fagleg opplegg for over 300 studentar frå sosionom-, barnevern-, barnehagelærar- og grunnskulelærarutdanningane samt faglærarutdanninga i kunst og handverk.
Over 300 studentar frå tre avdelingar ved Høgskulen i Volda tar del på SOM-seminaret.
Dekan Arne Myklebust ved Avdeling for humanistiske fag og lærarutdanning.
– Ein barnedom prega av omsorgssvikt kan føre til alvorlege konsekvensar for resten av livet. Difor skal vi ha fokus på å gje god omsorg og skape rom for vekst og utvikling for barna våre. Dette er ei viktig oppgåve for oss som er foreldre og ei viktig samfunnsoppgåve. Som framtidige profesjonsutøvarar vil de møte desse utfordringane med ulike innfallsvinklar, men de vil alle møte dei, sa dekan Arne Myklebust i helsinga si til eit fullsett auditorium i Berte Kanutte-huset.
Elevar frå Ørsta og Volda ballettskule dansa ved opninga av SOM-seminaret.
Anne Marie Verpe frå Institutt for sosialfag ved Høgskulen i Volda introduserer ein av innleiarane, psykolog Vigdis Bunkholdt.
