Å skape det gode livet

- Korleis skal vi løyse framtidas omsorgsutfordringar? Ein ting veit vi: Dei fleste av dei må løysast av dei kommunale helse- og omsorgstenestene, seier tidlegare rektor og no dagleg leiar på Møreforsking, Gunnar Stave. Desse tenestene skal møte behova til eldre menneske, men også til ei veksande gruppe av yngre brukarar. Problemstillinga blir sett lys på onsdag 19. november når Høgskulen i Volda inviterer til dagsseminar om Aktiv omsorg.

Dei nye brukargruppene stiller krav til nye arbeidsmåtar og endra kompetanse. Disse problemstillingane er sett på dagsordenen gjennom ei stortingsmelding frå Helse- og omsorgsdepartementet, og blir drøfta både i praksisfeltet og i utdanningsinstitusjonane. Stikkordet er aktiv omsorg.

Samarbeid med praksisfeltet
Høgskulen i Volda har i samarbeid med omsorgstenestene i kommunene i vår region, tatt initiativet til ei konferanserekke der vi har drøfta både utfordringane og spørsmålet om korleis vi kan samarbeide for å utvikle den kompetansen som desse tenestene må ha i framtida. Formålet er å skape ein møteplass mellom høgskule og praksisfeltet.

Onsdag 19. november
arrangerer vi den tredje konferansen med temaet: Å skape det gode livet. Vi vil sette søkjelyset på kompetansebehov og særleg korleis kultur kan spele ei viktig rolle i aktiv omsorg.

Konferansen er open for alle interesserte.
Les meir og meld deg på www.hivolda.no/omsorg

stave_web
tidlegare rektor og no dagleg leiar på Møreforsking, Gunnar Stave er med i prosjetgruppa for Aktiv omsorg ved Høgskulen i Volda