See list of study plans starting on:
Teater og drama (Bachelor)
Korleis vert ei framsyning laga? Kva er forskjellen på å dubbe ein animasjonsfilm og lese inn ei lydbok? Korleis vert ei tekst analysert og tolka og eit ensemble skapt? Kan teater ha ei heslefremmande effekt? Korleis bli ein betre manusutviklar og forteljar? Om du vil utvikle deg som utøvar i eit kreativt studentmiljø og lære å bruke teater og dramakunnskapar på ulike arenaer, er dette studiet for deg.
Bachelorstudiet i teater og drama er eit treårig studium som består av 180 studiepoeng. Studiet vil gi deg brei erfaring med, og kunnskap om teater og dramafaget på ulike arenaer. Studentane i teater og drama utdannes til sjølvstendige, skapande utøvere, som gjennom arbeid med ulike teaterfaglige retningar og metodar skal utvikle sine personlege uttrykk.
Teater og dramastudiet gir grunnlag for arbeid innanfor yrke som:
- Instruktør
- Produsent
- Skodespelar
- Teaterpedagog
- Forteljar
- Museumsformidlar
- Stemmeskodespelar
- Dubbar
- Filmskodespelar
Om du ønskjer undervisningskompetanse i skuleverket, må du byggje på med praktisk-pedagogisk utdanning (PPU). Studiet dannar grunnlag for vidare mastergradsstudium i drama og teater.
I samsvar med det nasjonale kvalifikasjonsrammeverket har studenten følgjande læringsutbytte etter fullført studieprogram:
Studenten
- har kunnskap om utvalde teaterhistoriske retningar, tradisjonar, og teaterfornyarar.
- har kunnskap om sentrale teaterfaglege teoriar og problemstillingar på ulike arenaer.
- har kunnskap om sentrale drama- og teaterfaglege metodar, verkty og prosessar.
- har kunnskap om utvalde retningar innan manusutvikling og filmskodespel.
- har kunnskap om eit bredt spekter av formidlings- og kommunikasjonsformer i ulike media.
- kunnskap om utvalde retningar innan vitskapsteori og metode.
Studenten
- har ferdigheiter i utvalde skodespelteknikkar i ulike media og utrykksformar.
- kan nytte teaterkunnskap på praktiske og teoretiske problemstillingar, og analysere relevante kunstnarlege uttrykk.
- kan nytte teaterkunnskapar og metodar på faglege og samfunnsmessige arenaer, og grunngje vala sine.
- kan planleggje og leie praktiske øvingar og opplegg åleine og saman med andre.
- kan bruke teaterfaglege teknikkar, arbeids- og uttrykksformer til kunstnarleg formidling i ulike media.
Studenten
- har innsikt i relevante faglege og yrkesetiske problemstillingar.
- kan planleggje, gjennomføre og vurdere varierte arbeidsoppgåver og prosjekt åleine og som deltakar i ei gruppe, og i tråd med etiske krav og retningslinjer.
- kan formidle fagstoff som teoriar, problemstillingar og løysingar både skriftleg, munnleg og gjennom andre teaterfaglege uttrykksformer.
- kan utveksle synspunkt og erfaringar med andre og slik medverke til utvikling av god praksis.
- kan reflektere over eigen fagleg utvikling og gjere seg nytte av rettleiing i arbeid med teoretisk og praktiske oppgåver.
a) Arbeids- og undervisingsformene
Undervisninga er eit samspel mellom teoretisk, praktisk og sjølvstendig arbeid, og er samansett av:
- seminar og workshops
- praktisk undervisning og øvingar
- framsyningar
- regiarbeid
- studioarbeid
- innspelingar
- gruppearbeid
- individuelt arbeid
- førelesingar
Det vil arrangerast obligatoriske visningar, såkalla Husteater, for eit ope publikum, i tillegg til studentdrevne morgontreningar.
b) Progresjon
For å oppnå bachelorgrad må studenten ha til saman 180 studiepoeng. Teater- og dramastudiet har 150 obligatoriske studiepoeng. Resterande 30 studiepoeng er valbare drama og teateremne, og kan erstattes med valfrie støtteemne frå andre fag eller eit utreisesemester.
3.semester er utreisesemester for studentane i bachelorløpet.
Studentar som har teke teater og drama frå andre høgskular/universitet kan få dette godskrive som del av graden etter søknad.
Emna i første studieår tilsvarar årsstudium i Teater og drama. Studentar som har fullført årsstudium kan difor søkje overgang til bachelorgraden innan gitt frist, og ta direkte til på andre studieår.
c) Frammøte
All undervisning er obligatorisk, og krev aktiv deltaking. Viser til Forskrift om opptak, studium og eksamen ved Høgskulen i Volda, §4-6.
d) Vurderingsformer
Studiet inneheld mange ulike vurderingsformer:
- Skriftlege individuelle og gruppeinnleveringar
- Teaterproduksjonar
- Forteljar framsyning
- Manusarbeid
- Analysar
- Munnlege samtalar
- Lydfiler og filmer
- Føredrag
- Seminar/workshops
- Bacheloroppgåve
Studieprogrammet vert evaluert i samsvar med HVO sitt kvalitetssikringssystem.
Studiemodellen inneheld 180 stp, av desse er 150 obligatoriske.
Vær oppmerksom på at dersom du ønsker å ta PPU utdannelse etter bachelorstudiet må du ha 180 stp i faget.
| Emne | 2017 Haust | 2018 Vår | 2018 Haust | 2019 Vår | 2019 Haust | 2020 Vår |
|---|---|---|---|---|---|---|
Obligatoriske emne | ||||||
| 15 | ||||||
| 15 | ||||||
| 15 | ||||||
| 15 | ||||||
Valemne (velg to) | 30 | |||||
| 15 | ||||||
| 15 | ||||||
| 15 | ||||||
Obligatoriske emne | ||||||
| 15 | ||||||
| 15 | ||||||
| 15 | ||||||
| 15 | ||||||
| 30 | ||||||
| Sum (180 total) | 30 | 30 | 30 | 30 | 30 | 30 |
Studentane må
- ha hensiktsmessige klede (svarte ledige bukser og topp) og innesko.
- ha eigen PC.
Ulike arbeidskrav vil innehalde eit opphald i ulike praksisfelt som td. museum, teatre, skule, aldersheim eller anna. Omfanget vil variere frå ein dag til tre veker.
Studiet legg opp til eit utlandsopphald i 3. semester ved eit av våre partnaruniversitet.
Utlandsopphaldet kan evt. erstattast av 2 emner i teater og drama eller Musikkteknologi eller Entreprenørskap.
- Det er lagt inn to studiereiser på ei veke i løpet av studiet, til eigen kostnad, alternativt opplegg etter søknad.
- Det er lagt inn fleire teaterbesøk og kortare ekskursjonar til eigen kostnad i løpet av studiet, alternativt opplegg etter søknad.
- Det vert lånt ut klassesett med manus og lydbøker/høyrespel til studentane. Manglande innlvering av manus gjev ei avgift på kr. 200,- per stk.
Emnet vert evaluert i samsvar med HVO sitt kvalitetssikringssystem. (http://www.hivolda.no/hivolda/om-hogskulen/kvalitetsarbeid)