Semestre
TOD103 Teaterproduksjon 2: Moderne teater
Bestått TOD101 Teaterproduksjon 1: Realistisk teater eller 15 stp. i teaterproduksjon.
Teaterproduksjon 2 er eit emne som går djupare inn i skodespelarteknikken, med fokus på utvalde teaterfornyarar frå det 20.århundre.
Emnet nyttar teaterproduksjon som læringsmodell og studentane får undervisning i regimessige tilnærmingar i episk og absurd teater, og ser på samanhengane til dagens iscenesettjingar av skodespel frå t.d. Brecht og Lonesco.
Studentane vil jobbe med:
- Regi knytt til prosess og produkt i ulike teaterfaglege retningar.
- Skodespelarteknikk i det moderne teateret (ca. 1900 - 1960).
- Teaterproduksjon.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten
- har grunnleggjande kunnskap om fagterminologi i utvald skodespelarteknikk frå det 20. århundre
- har basiskunnskap om regiteknikken til utvalde sentrale teaterfornyarar frå det 20.århundre (fram til ca. 1960)
Studenten
- kan nyttegjere seg kunnskap om regi i arbeid med utvalde retningar innan teatret fra det 20. århundre
- kan formidle sentralt fagstoff frå emnet gjennom bruk av relevante uttrykksformer
- kan omsette fagkunnskap til å formidle ei rolle, ved bruk av ulike skodespelarteknikkar
Studenten
- kan utveksle synspunkt og erfaringar med andre og slik medverke til utvikling av god praksis
- er kjend med tekniske verkemiddel i teateret: scenografi, lyd og lys
Undervisninga er eit samspel mellom teoretisk, praktisk og sjølvstendig arbeid, og er samansett av:
- seminar og verkstader
- framsyningar
- gruppearbeid
- individuelt arbeid
Det vil arrangerast obligatoriske visningar, såkalla Husteater, for eit ope publikum, i tillegg til studentdrevne morgontreningar.
Frammøtekrav:
- All undervisning er obligatorisk, og oppmøtet må vere av ei aktiv deltakande art.
Viser til Forskrift om opptak, studium og eksamen ved Høgskulen i Volda, §4-6.
Arbeidskrav:
- Ei godkjend framsyning på Husteater med reflekterande logg
- Ei skrifteleg analyse på omlag 2000 ord
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 5-11.
Det vert lånt ut klassesett med manus til studentane. Manglande innlvering av manus gjer ei avgift på 200,- per manus.
- Teater og drama - årsstudium
- Teater og drama - bachelor
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Praktisk eksamen | Individuell eller gruppe (etter avtale) | 5 Veker | A-F, der A er best og E er siste ståkarakter | 60 | Kunstnarleg scenisk framsyning for eit publikum, medstudentar, faglærar og sensor med individuell karakter | Alle | |
Heimeeksamen | Individuell | 7 Dagar | A-F, der A er best og E er siste ståkarakter | 40 | Ei vekes individuell skriftleg heimeeksamen knytt til teaterprosess og teori. | Alle | 2000 ord |