BLUPRA3-D Barnehagelærarutdanning Bachelor praksis 3. år deltid
Stått på BLUPRA2-D
Praksis skal vere ein integrert del av alle kunnskapsområda i barnehagelærarutdanninga. Emneplan for praksisopplæring i barnehagen 3. studieår barnehagelærarutdanning deltid er samordna med emneplanane for kunnskapsområda i 3. studieår: Språk, tekst og matematikk (BLUSTM-D) og Leiing, samarbeid og utviklingsarbeid (BLULSU-D).
Praksis skal sikre heilskap og samanheng mellom studia til studentane på utdanningsinstitusjonen, i praksisfeltet og i vekslinga mellom dei ulike læringsarenaene. Studentane skal oppleve ei integrert utdanning som gjer at dei startar førebuinga til det å verte barnehagelærar. Praksisopplæringa, saman med kunnskapsområda i 3. årssteg, skal utfordre studenten til å utvikle sin profesjonelle identitet. Praksis skal vere rettleia og vurdert
.Praksisopplæringa 3. studieår omfattar 35 dagar.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten har kunnskap om:
- barnehagen sine fagområder
- profesjonsidentitet, yrkesetiske prinsipp og rettleiing
- leiing og tilrettelegging av pedagigisk arbeid i barnegruppa
- samanheng barnehage og skule
- organisasjonsteori og barnehagen som organisasjon
- om leiing og rettleiing av menneske med ulik bakgrunn og ulike føresetnader
- samarbeidsprosessar mellom barn, føresette og personale
Studenten kan
- finne, vurdere og vise til informasjon og fagstoff og framstille dette slik at det belyser ei problemstilling
- utvikle omsorgsfulle relasjonar til barn der relasjonane ber preg av innleving og anerkjenning av kvart einskilt barn
- leie ei personalgruppe gjennom planlegging, gjennomføring og evaluering av eit prosjekt
- ta i bruk eigna metodar og verkty i arbeid med utviklings - og læringsprosessar kan leie pedagogisk arbeid og ta avgjersler som fører til utvikling av barnehagen
- vise sjølvstende i å leie rettleiings- og samarbeidsprosessar i utviklingsarbeid kan vise relasjonell forståing og kommunikativ kompetanse og meistrar samarbeid med barn, føresette og personale
Studenten
- kan dokumentere og evaluere barnehagen sitt arbeid med språk, tekst og matematikk og er aktiv i samtida sine barnehagefaglege diskusjonar knytt til språk, tekst og matematikk
- skal kunne gjere greie for korleis ein kan kommunisere og drøfte fagleg-pedagogiske problemstillingar med personalet.
- har kunnskap om korleis strukturelle og kulturelle forhold legg rammer for leiing og utviklingsarbeid
- har medvit om eiga rolle som profesjonell yrkesutøvar og har kompetanse til å ta ansvar for eiga og andre si profesjonsutvikling
I samråd med styrar i praksisbarnehagane får studentane tildelt ein praksisbarnehage for tredje studieår.I praksis skal studentane arbeide med matematisk og språkleg læringsmiljø. Dei skal i tillegg ha fokus på samanhengen mellom barnehage og skule. Studentane skal sjå på korleis organisering, leiarhandlingar og samarbeid kan styrke barnehagen som lærings- og utviklingsarena for yngre og eldre barn. Studenten skal i tillegg gjennomføre leiardagar i løpet av praksis.
Arbeidsmåtane i praksis varierer mellom observasjon, refleksjon, dokumentasjon, skriftleg og munnleg framstilling av fagkompetanse, didaktisk arbeid, deltaking og rettleiing med praksislærar. I praksis skal studenten gjennom aktiv deltaking gjere seg kjend med barnehagen sine rutinar og innhald, og med barn, foreldre og personale. Studenten skal ta aktivt del i barnehagen sine arbeidsoppgåver og vise initiativ og engasjement i høve barn, foreldre og personale. Studenten skal vere aktiv i rettleiingstimane og reflektere over profesjonsidentitet.
Tidleg i praksis skal studenten og praksislærar gjennomføre ein forventningsamtale der forventningar mellom partane vert klargjort. Alle dokument som omhandlar praksis og praksisbarnehagen, samt studenten sine skriftlege oppgåver, skal samlast i ei praksismappe.Praksislærar har ansvar for kvalitet og heilskap i praksisperioden. Han/ho skal framstå som ein tydeleg rettleiar og rollemodell. Praksislærar skal gi kvar student munnlege og skriftlege vurderingar med framovermeldingar undervegs og til slutt i praksis.Som ein del av førebuinga til praksis er det også krav om at studenten møter på generell praksisførebuing og til praksisførebuande møte.Vi viser til Praksishefte del I og II for Barnehagelærarutdanninga ved HVO for meir informasjon
Arbeidskrav:
- Studenten skal planlegge, leie, gjennomføre og vurdere eit prosjektarbeid.
- Studenten skal samle kunnskapar om samanhengen mellom barnehage og skule.
- Studenten skal saman med personalet i barnehagen planlegge, gjennomføre og evaluere eit konkret utviklingsarbeid i barnehagen.
- Studenten skal planleggje, gjennomføre og evaluere leiardagar
Emnet vert evaluert i samsvar med HVO sitt kvalitetssikringssystem. (http://www.hivolda.no/hivolda/om-hogskulen/kvalitetsarbeid)
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Praksis | Individual | Pass / fail |
Følgjande retningsliner skal praktiserast i samband med karakteren «Ikkje stått» i praksis: Dersom ein student får karakteren "Ikkje stått" i praksis eitt av studieåra, må studenten gjennomføre ein ny praksisperiode før utgangen av studieåret etter avtale med praksiskoordinator. Studenten skal få særskild rettleiing av ein annan praksislærar på det området/dei områda studenten har vist manglar. Praksislærar skal vere kjend med vurderinga frå perioden med ”Ikkje stått”, for å rettleie mest mogleg spesifikt på det studenten treng øving i. Får studenten "Ikkje stått" også i denne ekstra praksisperioden, må studenten avbryte studiet.
Studentar som syner manglar i forhold til å meistre yrket, må så tidleg som mogleg få vite korleis dei står i forhold til krava til skikkavurdering. Jmf. Forskrift om skikkethetsvurdering i høgreutdanning § 3: Lovdata - Forskrift om skikkethetsvurdering i høyere utdanning
Det vert utarbeid eige vurderingsskjema i samband med praksisgjennomføringa. Sjå meir utfyllande informasjon i Praksishefte for barnehagelærarutdanninga ved Høgskulen i Volda.